ශ්‍රී ලංකා පොලිසියේ නිල ඇඳුම වෙනස් කිරීමට බලාපොරොත්තු වන බව ජනාධිපතිවරයා ප්‍රකාශ කර තිබේ.
දැනට භාවිතා වන කාකි පාට නිල ඇඳුමේ වටිනාකම නැතිවී ගොස් ඇති බව සහ ජනතාවට එම නිල ඇඳුම සම්බන්ධව යහපත් වෙග්ම අයහපත් හැඟීම් ද ඇති බවයි ජනපති මෛත්‍රීපාල සිරිසේන පෙන්වා දෙන්නේ.
“මම පොලිය බාර අරගෙන මාස 3 හමාරයි අද තියෙන නිල ඇඳුම වෙනස් විය යුතුයි කියන එකයි මගේ නම් පුද්ගලික අදහස. රජයේ අනෙකුත් අංශ සමඟ කතා කරලා බලාපොරොත්තු වෙනවා නිල ඇඳුමෙත් වෙනසක් කරන්න.” යැයි ජනාධිපතිවරයා කොස්ගම නව පොලිස් ස්ථානයේ නව ගොඩනැගිල්ල විවෘත කරමින් පැවසීය.
විනය ගරුක බව හා ශිලාචාර සමාජයක් පවතින බොහෝ සංවිර්ධිත රට වල පොලිස් නිලධාරින් හට නිල ඇඳුමක් නොමැති බව ද ජනාධිපතිවරයා සඳහන් කළේය.
නිල ඇඳුම නිසාවෙන් අපරාධකරුවන් පොලිස් නිලධාරින් හඳුනා ගන්නා බව කී ජනපති පොලිස් නිලධාරින් අපරාධකරුවන්ගේ ඉල්ලක බවට පත් වීමට ද නිල ඇඳුම බලපාන බවයි පෙන්වා දෙන්නේ.
පොලිස් දෙපාර්තුමේන්තුව හට පොතේ නැති එහෙත් පොතට ඇතුල් කල බොහේ දේවල් මහජනතාව වෙනුවෙන් කිරීමට සිදුව ඇති බව ද ජනාධිපති මෛත්‍රීපාල සිරිසේන වැඩි දුරටත් කියා සිටියේය.
Facebook Comments
