ඩොල්ෆින් මසුන් මරා රැ‍ගෙන යමින් සිටි පුද්ගලයන් දෙදෙනෙකු අත්අඩංගුවට

0

දකුණු නාවික විධානයට අනුයුක්ත වෙරළාරක්ෂක දෙපාර්තමේන්තුවට අයත් නාවිකයන් පිරිසක් විසින් ජූලි 15 ඇල්ලීමට තහනම් මුහුදු ක්‌ෂීරපායී ගණයට අයත් ඩොල්ෆින් මසුන් දෙදෙනෙකු මරා ප්‍රවාහනය කරමින් සිටි පුද්ගලයන් දෙදෙනෙකු අත්අඩංගුවට ගෙන ඇත.

මොවුන් තංගල්ල, කුඩාවැල්ල ප්‍රදේශයේදී යතුරුපැදි 2 ක් මගින් මෙම මසුන් රැගෙන යමින් සිටියදී මෙසේ අත්අඩංගුවට ගත් බව නාවික හමුදාව පවසයි.

මෙම මත්ස්‍යයන් ධීවරයින් විසින් නීති විරෝධී ලෙස දඩයම් කර ඩිංගි යාත්‍රා මගින් ගොඩබිමට රැගෙන එන්නට ඇතැයි සැක කෙරේ.

අත්අඩංගුවට ගත් පුද්ගලයන්, යතුරුපැදි සහ මත්ස්‍යයින් ඉදිරි නීතිමය කටයුතු සඳහා කලමැටිය වන ජීවී සංරක්ෂණ දෙපාර්තමේන්තුව වෙත භාර දීමට කටයුතු කෙරිණි.

Facebook Comments

wedding people