සයිටම් රෝහල රජය‍ට, සයිටම් විරෝධින්ගේ විරෝධය

0
Ivory Agency Sri Lanka
wedding people

මාලඹේ නෙවිල් ප‍්‍රනාන්දු රෝහල රජයට පවරා ගැනීමේ කටයුතු අද (17) ජනාධිපති ගරු මෛත්‍රීපාල සිරිසේනගේ ප‍්‍රධානත්වයෙන් එම රෝහලේදී සිදු කෙරිණි.

නෙවිල් ප‍්‍රනාන්දු රෝහලේ හිමිකරු වෛද්‍ය නෙවිල් ප‍්‍රනාන්දු සහ සෞඛ්‍ය අමාත්‍යාංශය වෙනුවෙන් එහි ලේකම් ජනක සුගතදාස ඊට අදාළ ගිවිසුමට අත්සන් තැබූහ.

ඒ අනුව අගෝස්තු 01 දා සිට මෙම රෝහල රජයේ රෝහලක් ලෙස ක්‍රීයාත්මක කෙරේ.

ශික්ෂණ රෝහලකට අවශ්‍ය සියලූ පහසුකම්වලින් සමන්විත මෙම රෝහල රුපියල් බිලියන 3.5 ක වටිනාකමකින් සමන්විතය.

අක්කර 05 ක භූමිභාගයක හරිත සංකල්පය අනුව ගොඩනගා ඇති නෙවිල් ප‍්‍රනාන්දු රෝහල වර්ග අඩි 180,600 කින් යුක්තවන අතර මහල් 04 කින් යුත් ගොඩනැගිල්ලක් සහ මහල් 08 ක ගොඩනැගිලි දෙකකින් මෙය සමන්විතය.

මෙම රෝහල රජයට පරිත්‍යාග කිරීමෙන් කිසිම මුදලක්‌ රජයෙන් ලබා නොගන්නා බව පවසන එහි සභාපති වෛද්‍ය නෙවිල් ප්‍රනාන්දු සඳහන් කරන අතර මේ සම්බන්ධයෙන් ප්‍රකාශයක් කරන සෞඛ්‍ය අමාත්‍ය රාජිත සේනාරත්න අදාල රෝහල සම්බන්ධයෙන් ගෙවිය යුතු සියලු ණය මුදල් වෛද්‍ය නෙවිල් ප්‍රනාන්දු ගෙවීමට එකඟ වී ඇති බවද පවසයි.

රෝහල රජයට පවරා ගැනීම ප්‍රශ්නයට විසඳුම නොවේ

නෙවිල් ප්‍රනාන්දු පෞද්ගලික රෝහල රජයට පවරා ගැනීම සයිටම් පෞද්ගලික වෛද්‍ය විද්‍යාල ගැටලුවට විසදුම නොවන බව වෛද්‍ය පීඨ ආචාර්යවරුන්ගේ සංගමය පවසයි.

ආචාර්යවරුන්ගේ සංගමයේ සභාපති මහාචාර්ය සේනානායක මුදියන්සේ 16 ඉරිදා පැවති මාධ්‍ය හමුවකදී මේ බව පැවසිය.

එම පවරා ගැනීම මෙම ප්‍රශ්නය තවත් ව්‍යාකුල කරන්නක් විය හැකි බව ඔවුහු පෙන්වා දෙයි.

පවරා ගැනීමේ දින සිට සියලු කාර්ය මණ්ඩලයට රජයෙන් පඩි ගෙවිය යුතු බවත් එහි නුපුහුණු හෙදියන් රාශයක් සේවය කරන නිසා ගැටලුකාරී තත්ත්වයක් ඇතිවිය හි බවටත්වෛද්‍ය පීඨ ආචාර්යවරුන්ගේ සංගමය පවසයි.

Facebook Comments