අධිකරණය මඟ හැරි ජනපතිට හා අගමැතිට සිතාසි

0
978

අධිකරණයේ පෙනී නොසිටීම හේතුවෙන් ජනාධිපති මෛත්‍රීපාල සිරිසේන සහ අග්‍රමාත්‍ය රනිල් වික්‍රමසිංහ හට අධිකරණය හමුවේ පෙනී සිටින ලෙස කොළඹ මහාධිකරණය විසින් යළිත් වරක් සිතාසි නිකුත් කර තිබේ.

කූට ලේඛන සකස් කිරීමේ චෝදනා මත හිටපු එක්සත් ජාතික පක්ෂයේ මහ ලේකම් තිස්ස අත්තනායකට එරෙහි නඩු විභාගය 17 සඳුදා කැඳවු අවස්ථාවේදී මෙම නියෝගය නිකුත් කර ඇත.

එම පැමිණිල්ලේ පළමු සහ දෙවන සාක්ෂිකරුවන් ලෙස නම් කර ඇත්තේ හිටපු විපක්ෂ නායක රනිල් වික්‍රමසිංහ සහ විපක්ෂයේ පොදු අපේක්ෂක ලෙස ඉදිරිපත් වූ මෛත්‍රීපාල සිරිසේනය.

මීට පෙර ඔවුන් දෙදෙනාට අධිකරණය හමුවේ පෙනී සිටින ලෙස සිතාසි නිකුත් කර තිබුණ ද ඔවුන් වෙනුවෙන් පෙනී සිටි නීතිඥයින් ප්‍රකාශ කළේ රාජකාරි හේතු මත සාක්ෂිකරුවන්ට අද දිනයේ අධිකරණය හමුවේ පෙනී සිටීමට නොහැකි වූ බැවින් ඒ සඳහා වෙනත් දිනයක් ලබා දෙන ලෙසයි.

නීතිපතිවරයා වෙනුවෙන් පෙනී සිටි ජ්‍යේෂ්ඨ නීතිඥවරයා කළ ඉල්ලීමක් සලකා බැලූ කොළඹ මහාධිකරණ විනිසුරු නිශ්ශංක නානායක්කාර විසින් සාක්ෂිකරුවන්ට නැවත සිතාසි නිකුත් කිරීමට නියෝග කලේය.

නඩු විභාගය දෙසැම්බර් මස 04 වනදා සිට 12 වනදා දක්වා පැවැත්වීමට නියමිතය.

Facebook Comments

wedding people