උතුරු නැගෙනහිරට බලය බෙදීමට විපක්ෂ නායක විරුද්ධ වෙයි

0
771
Ivory Agency Sri Lanka
wedding people
Loading...

යෝජිත නව ව්‍යවස්ථාවෙන් පළාත් සභා බලය වැඩි කර පාර්ලිමේන්තුව දරුණු ලෙස දුර්වල කරන බව විපක්ෂ නායකවරයා දෙමළ හා මුස්ලිම් ජනයා පාරම්පරිකව ජිවත් වන උතුරු නැගෙනහිරට බලය බෙදීමට දැඩි විරෝධය පල කර තිබේ.

“මේ රටේ දමිළ ජනතාවගෙන් බහුතරය ජීවත් වන්නේ උතුරු නැගෙනහිර පළාත් වලින් පිටය. මුස්ලිම් ජනතාවගෙන් ඇති බහුතරය ජීවත් වන්නේ නැගෙනහිර පලාතෙන් පිටය,” යයි තර්ක කරන මහින්ද රාජපක්ෂ “මේ වගේ රටකට අලුත් ව්‍යවස්ථාවක් හැදිය යුත්තේ ඒ යථාර්ථයත් හිතේ තබාගෙනය,” යි නිවේදනයක් නිකුත් කරමින් පවසයි.

උතුරු නැගෙනහිර බලය බෙදීම විරෝධය පල කරන විපක්ෂ නායක ඒකීය ලේබලය එලෙසම තිබියදී රට ෆෙඩරල් කළ හැක, යනුවෙන් සිය නිවේදනයෙන් බියක් මතු කර තිබේ.

“පාර්ලිමේන්තුවේ බලය ඒ ආකාරයෙන් සීමා කළ විට ඒකීය රාජ්‍යය ෆෙඩරල් රාජ්‍යයක් බවට පරිවර්තනය වේ,” යි තර්ක කරමින් විපක්ෂ නායකයා සිය නිවේදනයෙන් එයට විරෝධය පල කරයි.

ශ්‍රී ලංකාව විනාශ කිරීමට පිටු 187 ක “ව්‍යවස්ථාවක කෙටුම් පතක් හැටියට සකස් කර තිබු වාර්තාවක්” ව්‍යවස්ථා සම්පාදක සභාව ඉදිරියේ අගමැතිවරයා විසින් සභාගත කර ඇති බව විපක්ෂ නායකවරයා පවසා ඇත්තේ ව්‍යවස්ථා කෙටුම්පතක් තිබේද යන්න මතබේදයට තුඩු දී තිබෙන අවස්ථාවකදී ය.

පළාත් සභා වලට අයත් විෂය සම්බන්ධයෙන් නීති සකස් කිරීමට සියලු පළාත් සභා වල අනුමැතිය ලබා ගැනීමට එහි නිර්දේශ කර තිබීමට ද මහින්ද රාජපක්ෂ සිය විරෝධය පල කර ඇත.

කෙසේ වෙතත්, යෝජිත ව්‍යවස්ථා කෙටුම්පතට විරුද්ධ වීම යනු සියලුම ව්‍යවස්ථා සංශෝධන වලට විරුද්ධ වීම නොවන බව අවධාරණය කරන නිවේදනය “ඒ ඒ ප්‍රාදේශීය ජන සමාජයන් වලට යම් කිසි ජාතික රාමුවක් තුල තමන්ගේ කටයුතු සම්බන්ධයෙන් ක්‍රියා කිරීමට හැකියාවක් තිබිය යුතු බවත්” පිළිගනී.

ඒ සඳහා ඉදිරි මහ මැතිවරණයේ දී ව්‍යවස්ථා සංශෝධන සම්බන්ධයෙන් සිය යෝජනා ඉදිරිපත් කිරීමේ අපේක්ෂාව විපක්ෂ නායක මහින්ද රාජපක්ෂ විසින් පල කොට තිබේ.

Facebook Comments

Loading...