ශ්‍රී ලංකිකයන්ට යුරෝපීයන් බීමෙනුත් පරාදයි

යුරෝපා රටවල ජනතාව යුරෝපයේ රටවල ජනතාව දෛනිකව පරිභෝජනය කරන මද්‍යසාර ප්‍රමාණය මෙන් පස්ගුණයක ප්‍රමාණයක් ලංකාවේ ජනතාව පරිභෝජනය කරන බව දුම්කොළ හා මද්‍යසාර පිළිබඳ ජාතික අධිකාරිය පවසයි.

එම අධිකාරියේ සභාපතිවරයා මේ බව පවසා සිටියේ රජයේ ප්‍රවෘත්ති දෙපාර්තුමේන්තුවේ පැවැති මාධ්‍ය හමුවකදීය.

ලංකාවේ ඒක පුද්ගල මද්‍යසාර පරිභෝජනය දිනකට ලීටර් 3.3ක් බවද, යුරෝපයේ එම ප්‍රමාණය ලීටර් 0.5ක් බවද සභාපතිවරයා කියා සිටියේය.

මද්‍යසාර භාවිත කරන පිරිස ලංකාවේ සමස්ත ජනහනයෙන් බෙදූ විට 20% ක් බවත්,යුරෝපයේ එය 95% ක් බවත් දුම්කොළ හා මද්‍යසාර පිළිබඳ ජාතික අධිකාරි සභාපතිවරයා පැවසීය.

ලංකාවේ පිරිමින්ගෙන් 37.1%ක්ද, ස්ත්‍රීන්ගෙන් 2.4%ක්ද,යෞවනයන් 40000ක්ද මද්‍යසාර පරිභෝජනය කරන බව සංඛ්‍යාලේඛන පෙන්වා දෙයි.

කාන්තාවන්ගේ පරිභෝජනය සියයට 1.2 සිට 2.4 දක්වා දෙගුණයකින් වැඩි වී ඇතැයි එම අධිකාරිය වැඩිදුරටත් පවසා සිටී.