මෙරට සමාජ මාධ්‍ය තුළ ඇති විපර්යාසයන් කෙරෙහි යුධ හමුදා බුද්ධි අංශ අවදියෙන් බලා සිටින බව යුධ හමුදාපතිවරයා ප්‍රකාශ කර තිබේ.
සමාජ මාධ්‍ය හරහා සිදු වන විවිධ වූ කරුණු සම්බන්ධයෙන් යුද්ධ හමුදා බුද්ධි අංශ විශේෂයෙන් අවධානය යොමු කර ඇත්තේ එහි පල කරන දෑ සම්බන්ධව සොයා බැලීමට හා ඒවායේ හොඳ පැත්ත මෙන්ම නරක පැත්ත සම්බන්ධයෙන්ද කරුණු දැන ගැනීම පිණිස බවයි හමුදාපති ලුතිනන් ජෙනරාල් මහේෂ් සේනානායක පෙන්වා දෙන්නේ.
“යුධ හමුදාවේ බුද්ධි අංශ සිය සෙසු කටයුතු අතර මේ සම්බන්ධව අවධානය යොමු කර සිටින්නේ අද තත්ත්වය තුළ රටේ විවිධ ආකාරයේ බොහෝ දේවල සමාජ මාධ්‍ය ජාලාවල පළ කරන නිසා. ඒ පිළිබඳ දැනුවත්විම වැදගත් දෙයක් බවට අද පත් වෙලා තියෙනවා.” යි හමුදාපතිවරයා කියා සිටියේය.
මෙවර ලෝකයේ රටවල් විශාල සංඛ්‍යාවක සහභාගිත්වයෙන් පැවැත්වෙන ආරක්ෂක සමුළුවේදී ද සමාජ මාධ්‍ය හා සත්‍යතාව යන මාතෘකාව ඔස්සේ සාකච්ජා කිරිමටද නියමිතව ඇත.
ලෝකයේ කිසිම රටකට ප්‍රශ්නවලට තනිවම උත්තර සෙවිමට හැකියාවක් නොමැති බවත් ඒ සඳහා සියලුම රටවල් එකට එකතු විය යුතු බව ලබන 30 වැනිදා පැවැත්විමට නියමිත 8 වැනි ආරක්ෂක සමුළුව සම්බන්ධයෙන් කොළඹ ගලදාරි හෝටලයේ පැවැති මාධ්‍ය සාකච්ජාවට එක්වෙමින් හමුදාපති ලුතිනන් ජෙනරාල් මහේෂ් සේනානායක පෙන්වා දුන්නේය.
මෙම ගැටලු ලෝකයේ විශේෂයෙන් කලාපිය රටවල් විසින් එකතු වී විසදා ගැනිමේදි එම රටවල්වල අත් දැකිම් අදහස් ආදිය ද විමසා සකච්ජා කිරිම ඉතා වැදගත් වන බවද හමුදාපතිවරයා වැඩි දුරටත් ප්‍රකාශ කළේය.
Facebook Comments
