කොවිඩ් 19 රෝගීන් හඳුනාගැනීමට සෞඛ්‍ය අමාත්‍යංශයෙන් පිටත රසායනාගාර තුල සිදු කරන ලබන පරීක්ෂණ සම්බන්ධව දිවයිනේ ප්‍රධානතම රසායනාගාර විද්‍යාඥයන්ගේ සංගමය සැක පළ කර තිබේ.
කොරෝනා රෝගීන් හඳුනා ගැනීමට මේ දක්වා සිදු කරනු ලැබු PCR පරීක්ෂක 13ක් වැරදි වාර්තා ලබා දී ඇති බවටයි රජයේ වෛද්‍ය විද්‍යාඥ රසායනාගාර සංගමය පෙන්වා දෙන්නේ.
“ශ්‍රී ජයවර්ධන පර්යේෂණ රසායනාගාරයේත් වැරදි වාර්තා 8ක පමණ ප්‍රමාණයක් නිකුත් වෙලා තියෙනවා. කොළඹ විශ්ව විද්‍යාල රසායනාගාරයෙන් මෑතකදී නිකුත් කළ වාර්ත 4 වැරදි වාර්තා බවට තහවුරු වෙලා තියෙනවා. ඒ වගේම KDU විශ්ව විද්‍යාලයෙන් නිකුත් කළ එක වාර්තාවක්ර වැරැදි වාර්තාවක් විදියට නිකුත් වෙලා තියෙනවා. ඒ අනුව දැනට වාර්තා 13ක පමණ ප්‍රමාණයක් වැරදි ලෙස මහජනතාවට අතට පත්වෙලා තියෙනවා,” යි එම සංගමයේ මේ සභාපති රවී කුමුදේශ් කියා සිටියේය.
සැක සහිත පුද්ගලයන්ගේ පළමු නිදර්ශක සෞඛ්‍ය අමාත්‍යංශයෙන් පිටත රසායනාගාර වලට ලබා දීම කඩාකප්පල්කාරි ක්‍රියාවක් බවට සැක පළ කරන රජයේ වෛද්‍ය විද්‍යාඥ රසායනාගාර සංගමය එවැනි ක්‍රියා පිළිබඳව සොයා බලා මහජනතාවට අනාවරණය කරන ලෙස සෞඛ්‍ය අධ්‍යක්ෂ ජනරාල් වෙත ලියා ඇති ලිපියකින් ඉල්ලා ඇත.
දිගින් දිගටම වැරදි වාර්තා නිකුත් වීම තුලින් ජනතාවට රසායනාගාර කෙරෙහි ඇති විශ්වාසය බිඳ වැටිය හැකි බව පෙන්වා දෙන එම සංගමය කොරෝනා මර්දන සමස්ත ක්‍රියාවලිය ව්‍යාකූලත්වයට පත් විමේ අවදානමක් ගැන අනතුරු අඟවා තිබේ.
වැරදි පරික්ෂණ වාර්තා හේතුවු පුද්ගලයන්ට බරපතල අසාධාරණයක් සිදුවු බව මෙන්ම පුරවැසියන් ගණනාවකට නිකරුණේ නිරෝධායනයට ලක්වීමට සිදුවු බවද රජයේ වෛද්‍ය විද්‍යාඥ රසායනාගාර සංගමයේ සභාපති රවී කුමුදේශ්ගේ අත්සනින් නිකුත් කරන ලද නිවේදනයෙන් සිහිපත් කර දී ඇත.
Facebook Comments
