යුද අපරාධ චෝදනා එල්ලවී තිබෙන ශ්‍රී ලංකාවේ රාජ්‍ය නායකත්වය මානව හිමිකම් ක්ෂේත්‍රයේ පුරෝගාමියකුගේ පිලිරුවක් ඉදිකිරීමට කොළඹ නගර සභාවේ භුමි භාගයක් වෙන්කර දී තිබේ.
නොබෙල් සාම ත්‍යාගලාභී දකුණු අප්‍රිකාවේ මුල්ම ස්වදේශික ජනාධිපති නෙල්සන් රොලිහ්ලාහ්ලා මැන්ඩෙලා ප්‍රතිමාවක් කොළඹ නාගරික පුස්තකාලයට අයත් ඉඩම් පරිශ්‍රයක ඉදිකිරීමට කැබිනට් අනුමැතිය හිමිව ඇත.
මෙම ඉදිකිරීමට රජය ප්‍රතිපාදන වෙන් නොකරන නමුත් ඒ සඳහා ප්‍රතිපාදන වෙන් කරන්නේ කවුරුන්ද යන්න කැබිනට් නිවේදනයේ සඳහන් කර නැත.
දකුණු අප්‍රිකාවේ මුල්ම ස්වදේශික ජනාධිපති නෙල්සන් රොලිහ්ලාහ්ලා මැන්ඩෙලා ජනාධිපති ධූරයට පත්වීමට ප්‍රථම දකුණු අප්‍රිකාවේ වර්ණ භේදයට එරෙහිව කටයුතු කළ අතර අප්‍රිකානු ජාතික කොන්ග්‍රසයේ නායකයා මෙන්ම එහි සන්නාහ සන්නද්ධ දේශපාලනඥයකු ලෙස කටයුතු කරන ලදී.
වර්ණ භේදවාදයට සන්නද්ධ අරගලයක නිරතවු මැන්ඩෙලා විවිධ අපරාධවලට සම්බන්ධ වීම හා දේපල අලාභ හානි කිරීම යන චෝදනා යටතේ 27 වසරක් සිරගත කර තිබුනි.
දශක හතරක් පුරාවට සම්මාන සියයකට අධික ප්‍රමාණයකින් පිදුම් ලැබූ මොහ‍ු 1993 වසරේ නොබෙල් සාම ත්‍යාගයට හිමිකම් කීමට තරම් වාසනාවන්ත විය.
මීට අමතරව ඉදියේදී ජාතික විරුවන් හා බුහුමනට ලක්විය යුතු තැනැත්තන්ට උපහාර පිණිස පිළිරූ, ස්මාරක ඉදිකිරීමට විශේසිත ස්ථානයක් වෙන් කිරීමට මෙන්ම බුහුමන් දැක්වීමට වැඩපිළිවෙලක් සකස් කිරීමට ද කැබිනට් අනුමැතිය හිමිව තිබේ.
Facebook Comments
