ඉඩෝරයෙන් හාර ලක්ෂයකට වැඩි පිරිසකට පීඩා

දිවයිනේ දිස්ත්‍රික්ක කිහිපයකට බලපා ඇති නියඟයෙන් හාර ලක්ෂයකට වැඩි පිරිසක් පීඩාවට පත්ව සිටි.

පවතින නියං තත්ත්වය නිසා දිස්ත්‍රික්ක 9 ක පීඩාවට පත්ව ඇති පවුල් සංඛ්‍යාව 1,34,765 ක් බව පවසන ආපදා කළමානකරණ මධ්‍යස්ථානය ඉදිරි කාලයේදී තවදුරටත් වර්ෂාව නොලැබුණහොත් එම පවුල් සංඛ්‍යාව ඉහල යනු ඇතැයි බිය පල කරති.

ඉඩෝරය නිසා පුද්ගලයින් 4,36,658 පීඩාවට පත්ව ඇති බවත් ඉන් වැඩිම සංඛ්‍යාව වන 66,648 පුත්තලම දිස්ත්‍රික්කයෙන් වාර්තා වන බවයි එම මධ්‍යස්ථානය නිවේදනය කරන්නේ.

පුත්තලම, කුරුණෑගල, අනුරාධපුර, පොලොන්නරුව, මන්නාරම, මුලතිව්, වව්නියාව, නුවර සහ රත්නපුර දිස්ත්‍රික්ක වලට නියං තත්ත්වය බලපා ඇත.

පානීය ජල ගැටලු විසඳීම අඛණ්ඩව මාස කිහිපයක් තිස්සේ සිදු කෙරෙමින් පවතින බව පවසන ආපදා කළමානකරණ මධ්‍යස්ථානයේ සහකාර අධ්‍යක්ෂ ප්‍රදීප් කොඩිප්පිලි ජාතික සහන සේවා මධ්‍යස්ථානය ද සහන සැලසීමේ කටයුතු වල නිරතව සිටින බවය පෙන්වා දෙන්නේ.