සන්ඩේ ලීඩර් පුවත්පතේ හිටපු ප්‍රධාන කතෘ ලසන්ත වික්‍රමතුංග මහතාගේ ඝාතනයෙන් පසු ඔහුගේ රියදුරුට තර්ජනය කළ බව පැවසෙන හමුදා බුද්ධි අංශයේ සාජන් මේජර් උදලාගම නමැත්තාව රියදුරු විසින් අද (27) හඳුනා ගැනීමට සමත්ව ඇත.
2009 වසරේ ජනවාරි 08 වනදා අත්තිඩිය ප්‍රදේශයේදී සිදුවූ මෙම ඝාතනය සම්බන්ධයෙන් පසුගියදා ඔහුව සැකපිට අත්අඩංගුවට ගනු ලැබූ අතර අද ගල්කිස්ස අතිරේක මහේස්ත්‍රාත් ලෝචනා වීරසිංහ මහත්මිය ඉදිරියේ හඳුනාගැනීමේ පෙරට්ටුව පැවැත් විණ.
මෝටර් රථය තුළදී ලසන්ත වික්‍රමතුංග මහතා ඝාතනය වූ අවස්ථාවේ එහි සිටි පුද්ගලයෙකු ඔහු පැළඳී හෙල්මටය ඉවත් කර ඒ දෙස බලන ආකාරය දැක ඇති සිද්ධිය ඇසින් දුටුවෙකුගෙන්ද ලබන 03 වැනිදා සාක්ෂි කැඳවීමට ගල්කිස්ස මහේස්ත්‍රාත් මොහොමඩ් සහබ්දීන් අද නියෝග කළේය.
අද හඳුනාගනු ලැබූ හමුදා සෙබළාව එදිනටද හඳුනාගැනීමේ පෙරට්ටුවකට ඉදිරිපත් කරන ලෙදස මහේස්ත්‍රාත්වරයා නියෝග කර තිබේ.
Facebook Comments
