රුපියල අව ප්‍රමාණය වීම හමුවේ විදේශ ණය ගෙවීමට අමතර මුදලක් වැය නොවන බව ශ්‍රී ලංකා මහ බැංකුව පවසනවා.
ඒ සම්බන්ධව පැතිර යන කට කතා අසත්‍යය බව මහ බැංකුවේ වාර්ෂික වාර්තාව එලිදැක්වීම වෙනුවෙන් 26 බ්‍රහස්පතින්දා පැවති මාධ්‍ය හමුවක දී මහ බැංකු අධිපති ආචාර්ය ඉන්ද්‍රජිත් කුමාරස්වාමි අවධාරණය කළේය.
ශ්‍රී ලංකාව ලබාගන්නා ණය ඩොලර් වලින්ම ගෙවා දැමීම සාමාන්‍ය ක්‍රියාදාමය බව පවසන මහ බැංකු අධිපතිවරයා ශ්‍රී ලංකාවට ඩොලර් වශයෙන් ලැඛෙන ආදායම් හා ණය මුදල් ඊට යොදාගන්නා බව පෙන්වා දෙයි.
ශ්‍රී ලංකාවේ ආර්ථීක වර්ධන වේගය මේ වසරේදී සියයට 4 ක අගයක් ගනු ඇතැයි ජාත්‍යන්තර මුල්‍ය අරමුදල පුරෝකථනය කර ඇති අතර එහෙත් එය සියයට 5 යි දසම 7 යි 5 ක් දක්වා ඉහල යා හැකි බවටයි මහ බැංකු අධිපතිවරයා විශ්වාසය පල කරන්නේ.
මුල්‍ය අරමුදල ශ්‍රී ලංකාවේ ආර්ථීක වර්ධන වේගය තරමක් අඩුවෙන් තක්සේරු කර ඇති බව මහ බැංකු අධිපති ආචාර්ය ඉන්ද්‍රජිත් කුමාරස්වාමි වැඩි දුරටත් කියා සිටියේය.
Facebook Comments
