ඇමැති රන්ජන් රාමනායක විසින් ක්රිකට් ආයතනයේ අක්රමිකතා සම්බන්ධව හෙළි කිරිමෙන් පසුව ඔහුට එම දූෂණ සහ වංචා පිළිබඳව තොරතුරු ලබා දුන් අයවලුන් සෙවීමට රහස් මෙහෙයුමක් දියත් කර ඇතැයි වාර්තා වේ.
මෙම අනාවරණයෙන් පසු කලබලයට පත්ව ඇති ක්රිකට් ආයතනයේ ප්රධානියෙකු එහි ගිණුම් සහ පරිපාලන අංශයේ සේවය කරන පිරිස්වලට බැන වැඳී ඇති බව ආරංචි මාර්ග සඳහන් කරයි.
රන්ජන් රාමනායක නියෝජ්ය අමාත්යවරයා වත්මන් පාලනය යටතේ සහ ඊට පෙර ක්රිකට් ආයතනයේ සිදු වූ වංචා, දූෂණ සහ අක්රමිකතා රැසක් පිලිබඳව විශේෂ මාධ්ය හමුවක් තබමින් හෙළි කළේය.
කෙසේ වෙතත් එම අක්රමිකතා වලට සම්බන්ධ ඉහල පෙළේ නිලධාරින් ඇමැතිවරයාට තොරතුරු ලබා දුන් අයවලුන් සොයා ගැනීමට මහත් වෙහෙසක් ගනිමින් සිටින අතර එම හේතුව නිසා කිහිප දෙනෙකුගේ රැකියා අහිමි විමේ අවදානමක් පවතින බව නම හෙළි නොකර ලෙස ඉල්ලා සිටි පුද්ගලයෙකු සිලෝන් නිවුස් වෙත පැවසීය.
ක්රිකට් ආයතනයේ සිදුව ඇතැයි පැවසෙන දුෂණ, වංචා සම්බන්ධව පසුගියදා රන්ජන් රාමනායක නියෝජ්ය අමාත්යවරයා විසින් අල්ලස් කොමිසමට පැමිණිල්ලක් ඉදිරිපත් කල අතර ඒවාට අදාළ ලිපිගොණු කිහිපයක්ද කොමිසමට බාර දී තිබුණි.
Facebook Comments
