ලෝකය වෙනත් රටවල් ග්‍රහලෝක වල පරික්ෂණ පවන්වමින් සිටිද්දි මෙරට ඉංජිනේරුවන් දෙවියන්ට පුජා තබමින් සිටින බවට ජනතා විමුක්ති පෙරමුණ ප්‍රකාශ කර තිබේ.
දෙවියන්ට යැද ගැටලු විසඳා ගත හැකි නම් ආණ්ඩුවක් අවශ්‍ය වන්නේ ඇයි දැයි ජවිපෙ ලේකම් ටිල්වින් සිල්වා ප්‍රශ්න කර සිටී.
“ලෝකේ වෙන රටවල් ග්‍රහලෝක වල වගා කරන්න පුලුවන්ද බලනවා. අපේ රටේ විදුලිය කපන්න සිද්ධ වුනාම ඉංජිනේරුවො පුජාවක් තියෙනවා වැස්ස වලාහක දෙවියන්ට.අනේ මොකටද ඔය ඉංජිනේරුකම්.”
මිනිසුන්ගේ මුලික අවශ්‍යතාවයක් වන විදුලිය ලබා දීමට නොහැකි නම් කෝටි ගණන් වැය කරමින් කෙරවලපිටිය හා නොරොච්චෝලේ බලාගාර සෑදුවේ ඇයි දැයි ලේකම්වරයා ප්‍රශ්න කළේය.
මහවැලි ව්‍යෘතිය ඉදිකල සමයේ එහි ඉදිකරන ලද බලාගාර හරහා මෙරටට විදුලිය ලබා දෙන බවට සහ ඉතිරිය ඉනිදියාවට විකුණන බවට එවකට පාලකයන් කියා සිටි බව ද ජවිපෙ ලේකම් ටිල්වින් සිල්වා සිහිපත් කර දුනි.
Facebook Comments
