ඇමරිකානු පුරවැසි භාවය අත් නොහැරීම හේතුවෙන් ගෝඨාභය රාජපක්ෂ හට ඉදිරි ජනපතිවරණයට ඉදිරිපත් විය නොහැකි බව එක්සත් ජතික පෙරමුණේ නවක මන්ත්‍රීවරයෙකු අනාවරණය කර තිබේ.
ගෝඨභය රාජපක්ෂ හට ජනපති අපේක්ෂකයා ලෙස ඉදිරිපත් වීමට අවශ්‍ය නම් ඔහුගේ ඇමරිකානු පුරවැසි භාවය මීට මාස 6 කට පෙර අහෝසි කර ගත යුතුව තිබුණ බවයි චතුර සේනාරත්න මන්ත්‍රීවරයා පෙන්වා දෙන්නේ.
“ගෝඨභය රාජපක්ෂව නම් කරා කියලා ගෝඨභය රාජපක්ෂවත් කියන්නෙ නෑනේ. මොකද එතුමාට නම් වෙන්න බැහැ. එතුමා මේ රටේ ජනාධිපති අපේක්ෂකත්වයට නම් වෙන්න නම් මීට මාස 6කට කලින් එතුමාගේ ඇමරිකානු පුරවැසි භාවය අත්හල යුතුයි.” මන්ත්‍රීවරයා ගම්පහ පැවති මාධ්‍ය හමුවක දී පැවසීය.
රාජපක්ෂ පවුලේ ඇති බලය පොරය මෙන්ම පොහොට්ටු පක්ෂයේ දබලත්වය දිනෙන් දින රටට හෙළි වන බවයි චතුර සේනාරත්න මන්ත්‍රීවරයා පවසන්නේ.
ඉදිරි ජනාධිපතිවරණය සඳහා 2015 ජනාධිපතිවරණයට පැවති සන්ධානයට වඩා පුළුල් පෙරමුණක් බිහි කරන බව කී මන්ත්‍රීවරයා 48න් පසු මෙරට බිහිවු දැවැන්තම දේශපාලන පෙරමුණ මැයි පළමු දින ප්‍රකාශයට පත් කරන බව සඳහන් කළේය.
එම පෙරමුණ හරහා සියලු දෙනා ආදරය කරන ජනපති අගමැති යුගලය රටට ලබා දෙන බව ද චතුර සේනාරත්න මන්ත්‍රීවරයා වැඩි දුරටත් කියා සිටියේය.
Facebook Comments
