නීති විරෝධී ආණ්ඩුවකට ‘හිරු’ කර දුන් සැටි හෙළිවේ

0

ජනාධිපතිවරයා විසින් ව්‍යවස්ථා විරෝධී අගමැති ධුරයට මහින්ද රාජපක්ෂ පත් කර තිබූ සමයේ ඔහුට වාසි සහගත වන ආකාරයට පුවත් පළ කරන බල කෙරුන බව සම්මානලාභී ගුවන් විදුලි ශිල්පියකු විසින් අනාවරණය කර තිබේ.

ව්‍යවස්ථා විරෝධි කුමන්ත්‍රණයට වසරක් පිරෙන දා එවක හිරු නාළිකාවේ සේවය කළ සඳුන් අරෝෂ ප්‍රනාන්දු මාධ්‍යවේදියා මේ බව හෙළි කර ඇත.

“මා එවක හිරු ප්‍රවෘත්ති අංශයේ සේවය කළෙමි. මහින්ද රාජපක්ෂ අග්‍රාමාත්‍ය ධුරයේ තබා ගැනීම සඳහා සහාය වන ප්‍රවෘත්ති පමණක් පළ කිරිමට අපට උපදෙස් ලබා දී තිබුණි,” යනුවෙන් ඔහු සටහනක් තබමින් කියා සිටී.

ජනාධිපති අපේක්ෂක ගෝඨාභය රාජපක්ෂ හට සහාය දක්වන හිරු නාළිකාව ඔහුගේ විරුද්ධ වාදීන්ගේ පුවත් විකෘති ලෙස පළ කිරීම සම්බන්ධයෙන් මේ මොහොතේත් අදත් බරපතල දෝෂ දර්ශනයට ලක්ව ඇත.

එසේ ප්‍රවෘත්ති විකෘති කර පළ කිරිමට එරෙහි පැමිණිල්ලක් 27 ඉරිදා ජනපති අපේක්ෂක සජිත් ප්‍රේමදාසගේ ජන්ද නියෝජිත අජිත් පී පෙරේරා ඇමැතිවරයා විසින් මැතිවරණ කොමිසමට බාර දී තිබේ.

හිරු නාළිකාවේ එසේ පුවත් විකෘති කරමින් ගෝඨාභය රාජපක්ෂ හට සහාය වන ලෙස පළ කරනු ලබන්නේ එම නාළිකා ප්‍රධානී රෙනෝ ද සිල්වාගේ සොහොයුරා වන තම පියා ඝාතනය කිරීමේ වරදට සිරදඬුවම් ලබන දුමින්ද ද සිල්වා නිදහස් කර ගැනීමේ අරමුණ ඇතිව බවයි හිරුණිකා ප්‍රේමචන්ද්‍ර මන්ත්‍රීවරයා චෝදනා කරන්නේ.

මහින්ද රාජපක්ෂගේ ව්‍යවස්ථා විරෝධී අගමැති ධුරය යටතේ පිහිටවූ නීති විරෝධී ආණ්ඩුව විසින් දෙන නියෝග පිළිපදින රාජ්‍ය නිලධාරින් හට දඬුවම් කරන බවට ඔක්තෝබර් කුමන්ත්‍රණය සමයේ අනතුරු ඇඟවු වත්මන් රජය කී ලෙසින් නීතිය ක්‍රියාත්මක කළ වගක් වසරක් ගතවීත් දැන ගන්නට නැත.

Facebook Comments

wedding people