යුද අපරාධ චෝදනා එල්ලවී ඇති රජයේ ආරක්ෂක අංශ වල සාමාජිකයන් සම්බන්ධයෙන් අවශ්‍ය පියවර නොගැනීම සම්බන්ධයෙන් හිටපු ආරක්ෂක ලේකම් තමන්ද බලධාරියකුව සිටි මහින්ද රාජපක්ෂ ආණ්ඩුවට දොස් නගා ඇත.
මහින්ද රාජපක්ෂ පාලනය විසින් යුද අපරාධ චෝදනා එල්ල වුවන්ට පියවර නොගැනීම වරදක් බව ගෝඨාභය රාජපක්ෂ සිය ජනාධිපතිවරණ ප්‍රතිපත්ති ප්‍රකාශයෙන් කියා සිටී.
හමුදාවට බාර වු කොටි සාමාජිකයින් පුනරුත්ථාපනය කිරීමට පියවර ගත්ත ද චෝදනා එල්ල වු රජයේ හමුදා සාමාජිකයින් පිළිබඳ එවැනි පියවරක් නොගත් බවයි එහි දක්වා ඇත්තේ.
“ආයුධ සමඟ භාර වු කොටි සාමාජිකයින් 13,784 කට සමාව දී පුනරුත්ථාපනය කර සමාජ ලත කිරීමට අප පියවර ගත්තත් යුද සමයේ දී විවිධ චෝදනාවන්ට ලක් වුණු හමුදා සාමාජිකයින් පිළිබඳ එවැනි පියවරක් ගත්තේ නැත.”
තම පාලනය තුල චෝදනා ලබන හා දඬුවම් විඳින හමුදා සාමාජිකයින් හා කොටි සාමාජිකයින් පුනරුත්ථාපනය කර නිදහස් පුරවැසියන් ලෙස සමාජගත කරන බව “දස ප්‍රතිපදා” නම් සිය මැතිවරණ ප්‍රකාශයේ ගෝඨාභය රාජපක්ෂ සඳහන් කර ඇත.
වත්මන් යුද හමුදාපති ශවේන්ද්‍ර සිල්වා ද දේශිය මෙන්ම විදේශිය මානව හිමිකම් සංවිධාන වලට යුද අපරාධ චෝදනාවට ලක්ව සිටී.
Facebook Comments
