තෙල් බෙදා හැරීම හමුදා ආරක්ෂාව යටතේ

0

කොලොන්නාව තෙල් පිරිපහදු මධ්‍යස්ථානයෙන් ඉන්ධන රැගත් බවුසර් 15ක් යුද හමුදා ආරක්ෂාව සමගින් බෙදාහැරීමේ කටයුතු සඳහා පිටත් කිරීමට කටයුතු කළ බව යුද හමුදා මාධ්‍ය අංශය පවසයි.

ඛනිජ තෙල් වෘත්තීය සමිති එකමුතුව විසින් ක්‍රියාත්මක කර ඇති වැඩවර්ජනය හේතුවෙන් අඩාල වී තිබෙන තෙල් බෙදාහැරීමේ කටයුත්තට සහාය දක්වන ලෙස ශ්‍රී ලංකා පොලිසියි විසින් කරන ලද ඉල්ලීමක් අනුව ඊයේ (25) රාත්‍රියේ සිට යුද හමුදා භට පිරිස් යෙදවීමට කටයුතු කොට ඇත.

ඛනිජ තෙල් බෙදාහැරීමේ සේවාව අත්‍යවශ්‍ය සේවාවක් බවට රජය මගින් ප්‍රකාශයට පත් කර ඇති බැවින් මුතුරාජවෙල තෙල් ගබඩා සංකීර්ණය සහ කොලොන්නාව තෙල් ගබඩා පර්යන්තයෙහි තෙල් බෙදාහැරීමේ කාර්යයයේ නියුතු ව මේ වන විට සේවයේ යෙදී සිටින කාර්යය මණ්ඩලයට අවැසි සහාය ලබාදීමට සහ අදාළ සංකීර්ණයන් හි ආරක්ෂාව තහවුරු කිරීම සඳහා යුදහමුදාව විසින් භටපිරිසක් යොදවා ඇති බව රජය කියා සිටියි.

Facebook Comments

wedding people