විදේශ අමාත්‍ය රවී කරුණානායක ජනාධිපති කොමිසම හමුවේ පෙනී සිටින ලෙස බැඳුම්කර කොමිසම මඟින් සිතාසි යවා තිබුණද අද දිනයේ කොමිසම හමුවේ පෙනී සිටිය නොහැකි බව ඇමතිවරයා නීතීඥයින් මාර්ගයෙන් දන්වා තිබේ.
ආරක්ෂක කවුන්සිලයේ ඇති වැඩසටහනක් හේතුවෙන් කොමිසම හමුවේ පෙනී සිටිය නොහැකි බව දන්වා ඇති ඇමතිවරයා හෙට සහ අනිද්දා දිනයේ පාර්ලිමේන්තු හේතුවෙන් කොමිසම හමුවේ පෙනී සිටිය නොහැකි බව මෙන්ම සඳුදා දිනයේ මාලදිවයින් සංචාරයක් සඳහා සහභාගීවීම හේතුවෙන් කොමිසම හමුවේ පෙනීසිටිය නොහැකි බව ද දැනුම් දී ඇති බව වාර්තා වෙයි.
නැවත කොමිසම හමුවේ පෙනී සිටිය හැක්කේ ලබන බදාදා දිනයේ බවයි අමාත්‍ය රවී කරුණානායක ජනාධිපති කොමිසම වෙත දැනුම් දී ඇත්තේ.
විදේශ අමාත්‍ය රවී කරුණානායක හට මහ බැංකු බැඳුම්කර නිකුතුව සම්බන්ධයෙන් එල්ල වී ඇති චෝදනා පිළිබඳ විමර්ශන හා පරීක්ෂණ සිදු කිරීම සඳහා 26 බදාදා ජනාධිපති කොමිසම හමුවේ පෙනී සිටින ලෙස දැනුම් දී තිබුණි.
Facebook Comments
