මංගල යටතෙත් ලොතරැයි මණ්ඩලය රවීගේ මස්සිනා අතේද?

සංවර්ධන මණ්ඩලයට නව සභාපතිවයෙකු පත් කළද එහි වෙබි අඩවියේ තවමත් සභාපතිවරයා ලෙස මන්ත්‍රී රවී කරුණානායකගේ මස්සිනා වන රොමේෂ් ජයවර්ධනගේ විස්තර සඳහන්ව තිබේ.

ජනපති නිර්දේශයෙන් සංවර්ධන ලොතරැයි මණ්ඩලයේ නව සභාපති ලෙස රාජ්‍ය හා පෞද්ගලික අංශයේ ජ්‍යෙෂ්ඨ කළමනාකරුවෙකු වූ එස්. ඒ. පී. සූරියප්පෙරුම පත් කරන ලද්දේ පසුගිය සැප්තැම්බර් 14 වැනිදා ය.

නව සභාපතිවරයා පත්ව දින 4 ක් ගත වී ඇතත් සැප්තැම්බර් 18 වන විටත් සංවර්ධන ලොතැරැයි මණ්ඩලයේ සභාපතිවරයා ලෙස හිටපු සභාපති රොමේෂ් ජයවර්ධනගේ තොරතුරු එම වෙබි අඩවියේ සඳහන් වේ.

සංවර්ධන ලොතරැයි මණ්ඩලයේ සභාපතිවරයා වූ රොමේෂ් ජයවර්ධන ඇතුළු අධ්‍යක්‍ෂ මණ්ඩලය සැප්තැම්බර් 04 වනදා ජනාධිපතිවරයා විසින් ගැසට් නිවේදනයක් මඟින් එම ධුරයන්ගෙන් ඉවත් කරන ලදී.

සංවර්ධන ලොතරැයි මණ්ඩලයේ dlb.lk දිනපතා යාවත්කාලීන වන වෙබ් අඩවියකි.