ජනපතිගෙන් බලාපොරෙත්තු වු අරමුණු ඉටු වුනේ නෑ – හෙක්ටර් අප්පුහාමී

0
360
wedding people
Loading...

රටටත්, ජනතාවටත්, ආණ්ඩුවටත් නායකත්වය ලබාදීම සඳහා ජනාධිපතිවරයා පත් කර ගැනුනද මෛත්‍රීපාල සිරිසේන ජනාධිපතිවරයාගෙන් බලාපොරොත්තු වු අරමුණ ඉටු නොවු බවට එක්සත් ජාතික පක්ෂ චෝදනා කරයි.

එම අඩුපාඩුව අද වනවිට රටේ සමස්ත ජනතාවටම දැනී ඇති බවයි පුත්තලම් දිස්ත්‍රීක් පාර්ලිමේන්තු මන්ත්‍රී හෙක්ටර් අප්පුහාමී පෙන්වා දෙන්නේ.

රටක නායකත්වය දැරීම යනු තව කෙනෙකුට ඇඟිල්ල දිගු කිරීම හෝ යමක් වැරදුණු පසු එය තවෙකෙකුගේ කරපිට පැටවීම නොවන බව කී මන්ත්‍රීවරයා රටක නායකයා කටයුතු කළයුත්තේ වැරදි නිවැරදි කරමින් අනෙකාට මඟ පෙන්වීම බව 12 අඟහරුවාදා සිරිකොත පැවති මාධ්‍ය හමුවක දී පැවසීය.

තමා නායකත්වය දෙන රජය යටතේ සිදු කරන යහපත් කටයුතුවල කීර්තිනාමය අත්පත් කර ගැනීමට මෙන්ම එම පාලනය යටතේ සිදුවන වැරදිවල වගකීමෙන් කොටසක් භාර ගැනීමට ද රටේ නායකයා නිහතමානී විය යුතු බවයි හෙක්ටර් අප්පුහාමී මන්ත්‍රීවරයා අවධාරණය කරන්නේ.

“මේ කොටස් දෙකම කරන්න ඕන. ඒ දෙකෙන් එකක් විතරක් කරන්න බෑ” මන්ත්‍රීවරයා කියා සිටියේය.

රටට නායකත්වයක් ලබා දීම වෙනුවෙන් මෛත්‍රීපාල සිරිසේන ජනාධිපතිවරයා වශයෙන් තෝරා පත්කර ගැනුනත් ඔහු කටයුතු කරන්නේ ශ්‍රී ලංකා නිදහස් පක්ෂයේ සභාපතිධුරය ආරක්ෂා කරගනිමින් එම පක්ෂයේ අනාගතය තහවුරු කරගැනීමට බව ද මන්ත්‍රීවරයා චෝදනා කළේය.

“රට ඉස්සරහට ගෙනියනවට වඩා එතුමා පක්ෂය ගැන හිතපු නිසා අපිට අද ප්‍රශ්න ගොඩකට මුහුණ පාන්න සිද්ධ වෙලා තියනවා.” යි හෙක්ටර් අප්පුහාමී මන්ත්‍රීවරයා වැඩි දුරටත් කියා සිටියේය.

Facebook Comments

Loading...