ආර්ථික අර්බුදය මැද උදා වු 2023 නව වසර ආණ්ඩුවට එරෙහිව බරපතල ජනතා නැගිටිමක් සිදුවන වසරක් ලෙසට මුල් පෙලේ වෘත්තිය සමිති නායකයෙකු අනතුරු අඟවා තිබේ.
“තමන්ගේ පඩියට වඩා තුන් ගුණයක් වියදම් කරනකොට, විදුලි බිලත් ඒක උඩට ආවාට පස්සේ මොකද වෙන්නේ? මේ තත්වය තුල ආණ්ඩුවට එරෙහිව බරපතල ජනතා නැගිටිමක් සිදුවන වසරක් විදියට තමයි අපි 2023 දකින්නේ.” යැයි ලංකා ගුරු සංගමයේ ලේකම්වරයා කියා සිටියේය.
රටේ ජනතාවට නව වසරේදී අමාරු තත්වයක් ඇති වන බවට ජනාධිපතිවරයා විසින්ම ප්‍රකාශ කර තිබුනද ජනතාව ජිවත් කරවීමට රජයට කිසිඳු සැලසුමක් නැති බවටයි ජොසප් ස්ටාලින් චෝදනා කරන්නේ.
ජනතාව ජිවත් කරවීමට සැලසුමක් නැති රජය දෙමළ ජනතාවගේ ප්‍රශ්න විසඳන බවට ප්‍රදර්ශනය කරමින් ලෝකයේ සහාය ලබා ගැනීමට භායනක උප්පරවැට්ටියක් යොදන බව ද ලංකා ගුරු සංගමයේ නායකයා වැඩිදුරටත් කියා සිටියේය.
Facebook Comments
