Ivory Agency Sri Lanka  
පුත්තලමේ කතෝලික විරෝධී ප්‍රහාර ගැන පරීක්ෂණ ඇරැඹේ

පුත්තලමේ කතෝලික විරෝධී ප්‍රහාර ගැන පරීක්ෂණ ඇරැඹේ

0
170
wedding people youtube Ivory Agency Sri Lanka

පුත්තලම ප්‍රදේශයේ කතෝලික දේවස්ථාන දෙකකට හානි පැමිනවීම සම්බන්ධයෙන් පරීක්ෂණ ආරම්භ කර ඇති අතර මේ තාක් කිසිවකුත් අත්අඩංගුවට ගෙන නොමැති බව පොලීසිය පවසයි.

පුත්තලම හා පාලවිය ප්‍රදේශයේ පිහිටි කතෝලික දේවස්ථාන දෙකක දේව ප්‍රතිමා තැන්පත් කර තිබූ වීදුරු කූටි වලට මැයි 18 දින ගල් ප්‍රහාර එල්ල කර කඩා දමා ඇති බව පුත්තලම පොලීසිය සදහන් කරයි.

පුත්තලම ශාන්ත මරියා දේවස්ථානය ඉදිරිපිට ඉදිකර තිබූ අඩක්කල දේවමාතාවන්ගේ ප්‍රතිමාව තැන්පත් කර තිබූ විදුරු කූටියට සහ පාලවිය ශ්‍රි හෘදයට කැපකල දේවස්ථානයේ ඉදිරිපිට තැන්පත් කර තිබූ ශ්‍රි හෘදයේ ජේසු තුමන්ගේ ප්‍රතිමාව තැන්පත් කර තිබූ වීදුරු කූටියට මෙලෙස හානි සිදු කර ඇති බව පුත්තලම මිසම් පාලක පයස් කෙනඩි පියතුමන් පොලීසියට පැමිනිලි කර තිබේ.

අපරාධ ස්ථාන පරික්ෂණ නිලධාරින් හා පොලිස් නිළ සුනඛයකු යොදා ගනිමින් මේ වන විටත් පරික්ෂණ සිදුකර ඇති බව පවසන පුත්තලම පොලිසිය සදහන් කරන්නේ සිදුවීම පිටුපස කිසියම් කඩාකප්පල්කාරී පුද්ගලයකු හෝ පිරිසක් සිටීද යන්න සොයා බැලීම සඳහා විශේෂ පොලිස් කණ්ඩායමක් යොදවා ඇති බවයි.

Facebook Comments

HailHost