මාර්ග නීති කැඩීමට ගෙනා දඩයට එරෙහිව පුද්ගලික බස් රථ හා ත්‍රීරෝද රථ විසින් අද දින සිදුකල වර්ජනයට සහය දක්වමින් මීගමුව ගල්කන්ද දුම්රිය හරස් මාර්ගය අවහිරකරමින් විරෝධතාවයේ නිරතව සිටින විරෝධතාකරුවන්ට පොලීසිය විසින් කඳුළු ගෑස් ප්‍රහාරයක් එල්ල කර තිබේ.
විරෝධතාවය හේතුවෙන් කොළඔ හලාවත මාර්ගයේ ගමනාගමනයට මෙන්ම දුමිරිය ගමනා ගමනයටද බාධා එල්ල වු අතර මහජනතාවට සිදුවන අවහිරතාවය පිළිබඳව අධිකරණයට කරුණු වාර්තා කිරීමෙන් අනතුරුව මීගමුව මහේස්ත්‍රාත් අධිකරණය විරෝධතාකරුවන්ට එම පරිශ්‍රයෙන් ඉවත් වන ලෙස නියෝග කළ බව පොලීසිය පැවසුවේය.
අධිකරණ නියෝගයට විරෝධතාකරුවන් අවනත නොවු අතර දිගින් දිගටම දුම්රිය මාර්ගය හා ප්‍රධාන මාර්ගය අවහිර කරමින් විරෝධතාවයේ නිරත වූ අතර ඒ හේතුවෙන් පොලීසිය විසින් විරෝධතාකරුවන්ට කඳුළු ගෑස් හා ජල ප්රහාර එල්ල කර විරෝධතාකරුවන් විසුරුවා හැරීමට කටයුතු කර තිබේ.
මාර්ග නීති කඩකිරීමේ වැරදි හතකට පැනවූ රුපියල් 25000 දඩයට එරෙහිව වර්ජනයේ ත්‍රී රෝද රියදුරන්ගේ සංවිධානයක් අද ජනපති ලේකම් කාර්යාලයට සංදේශයක් බාරදීමට ත්‍රී රෝද සිය ගණනකින් ගමන් කිරීම නිසා ඇස්වාට්ටුවේ සිට කොටුව දක්වා දැඩි වාහන තදබදයක් හටගෙන තිබුණි.
බස් වර්ජනයට මුහුණ දීමට ලංගම බස්
පෞද්ගලික බස් වර්ජනයට මුහුණ දීම සඳහා අද දිනයේ ලංගම බස්රථ 6100ක් ධාවනයෙහි යෙද වූ බව ශ්‍රී ලංකා ගමනාගමන මණ්ඩලය පවසයි.
සියලුම ලංගම බස්රථ රියැදුරන්, කොන්දොස්තරවරුන්, කාර්මිකයින් ආදී සේවකයන්ගේ නිවාඩු අවලංගු කිරීමට පියවර ගත් බව ද එම මන්ඩලය පැවසීය.
ධාවනය වන බස් රථ සඳහා පොලිසිය විසින් ආරක්ෂාව ලබා දුන් බවත් බස් රථ ගාල් කරන ස්ථාන වලටද විශේෂ ආරක්ෂාවක් යොදා ඇති බව පොලිසිය කියා සිටියේය.
දිවයිනේ සියලුම පලාත් වල වර්ජනය නිසා ජනතාවගේ දෛනික කටයුතු අදාළ වුවද උතුරේ මෙම වර්ජන ක්‍රීයාත්මක නොවුන බවට අප වාර්තාකරුවන් පැවසීය.
ධාවනය වන බස් වලට ප්රහාර
ප‍්‍රදේශ කිහිපයකදී ලංගම බස් රථ 26කට ප්රහාර එල්ල වී ඇති අතර රියදුරන් සිව් දෙනෙකු තුවාල ලබා තිබෙනවා.
බස් රථවලට පහරදීම් සිදුකරන පුද්ගලයින් අත්අඩංගුවට ගැනීමට පරීක්ෂණ ආරම්භ කර ඇති බව පොලිසිය පවසනවා.
රජයේ ප‍්‍රවෘත්ති දෙපාර්තමේන්තුව නිකුත් කළ නිවේදනයක දැක්වෙන්නේ සාමාන්‍ය ජන ජීවිතය අඩාල කිරීමටත් රාජ්‍ය දේපළවලට හානි කිරීමටත් එරෙහිව නීතිය තදින් කි‍්‍රයාත්මක කිරීමට පොලිසිය කටයුතු කරමින් සිටින බවයි.
වර්ජනය තවදුරටත්
රුපියල් 2500 දඩ අය කිරීමේ යෝජනා සම්බන්ධයෙන් පවතින ගැටලුවලට විසඳුම් ලබාදෙනතුරු සිය වෘත්තීය කි‍්‍රයාමාර්ගය අත්නොහරින බව වර්ජනයේ නිරත බස් සංගම් පවසනවා.
වර්ජනය හේතුවෙන් ජනතාවට සිදුවන පීඩාවන් පිළිබඳ වගකීම ආණ්ඩුව භාරගත යුතු බවටයි වර්ජනයේ නිරත බස් සංගම් පවසා සිටියේ.
වර්ජනය දිගටම ගෙන යන බස් රථ වල ධාවන බලපත්‍රය අවලංගු කිරීමට කටයුතු කරන බව මුදල් අමාත්‍ය රවී කරුණානායක පැවසීය.
Facebook Comments
