ජනාධිපතිවරයා සමඟ පැවති සාකච්ඡාවකින් අනතුරුව වර්ජනය අවසන් කිරීමට තීරණය කළ බව වර්ජනයේ නිරතව සිටි බස් සංගම් පැවසීය.
පෞද්ගලික බස් හිමියන්ගේ ගැටළු විසඳීම සඳහා මණ්ඩලයක්පත්කිරීමට ජනාධිපතිවරයා එකඟතාවය පළ බව එම සංගම් පවසනවා.
ඊයේ වැඩවර්ජනයට තුඩුදුන් දඩ වර්ග 7ම මෙවර අය වැයෙන් සම්පූර්ණයෙන් ක්‍රියාත්මක කිරීම තාවකාලිකව නතර කිරීමටද ජනාධිපතිවරයා එම සාකච්ඡාවේදී එකඟතාවය පළ කළ බව බස් සංගම් සඳහන් කළේය.
විරෝධතාකරුවන් 18 අත්අඩංගුවට
මීගමුව, ගල්කන්ද දුම්රිය හරස් මාර්ගය අවහිර කරමින් අධිකරණ නියෝගය නොතකා උද්ඝෝෂණයේ නිරතවෙමින් කලහකාරී ලෙස හැසිරුණු පුද්ගලයින් 18 දෙනෙකු අත්අඩංගුවට ගත් බව පොලිසිය පවසනවා.
ත්‍රිරෝද රථකරුවන් සහ බස් රථ සේවකයින් පිරිසක් මීගමුව – හලාවත ප්‍රධාන මාර්ගයේ ගල්කන්ද දුම්රිය හරස් මාර්ගය අවහිර කරමින් විරෝධතාවයේ නිරත වු අතර ඊයේ පස්වරුව වන විට මාර්ග අවහිර කරමින් උද්ඝෝෂණයේ නිරතවීමෙන් වලකින ලෙස අධිකරණ නියෝගයක් ද ලබාදී තිබූ අතර උද්ඝෝෂණකරුවන් එම නියෝගය නොතකා කලහකාරී ලෙස හැසිරී තිබේ.
අනතුරුව විරෝධතාකරුවන් විසුරුවා හැරීමට පොලිසිය කඳුළු ගෑස් ප්‍රහාරයක් එල්ල කළේය.
Facebook Comments
