හිරේ ඉඳීම ප්‍රශ්නයක් වුනේ නෑ: නිදහස් වූ කුමාර්

0

සිරගතව සිටීම දේශපාලන ක්‍රියාකාරීත්වයට ප්‍රශ්නයක් නොවු බව පෙරටුගාමී සමාජවාදී පක්ෂයේ මධ්‍යම කාරක සභික කුමාර් ගුණරත්නම් පවසයි.

සිරගෙදරත් සාමාන්‍ය ජනතාවගේම කොටසක් බැවින් පක්ෂයත් සමග දේශපාලනය කිරීමටත් සිරගතව සිටින ජනතාව සමග දේශපාලනය කිරීමටත් එය ප්‍රශ්නයක් නොවු බව ඔහු පවසා සිටියේ වසරකුත් මාසයක සිර දඩුවමක් විදීමෙන් පසු 02 සිකුරාදා අනුරාධපුර බන්ධනාගාරයෙන් නිදහස ලැබීමෙන් පසු මාධ්‍යවේදීන්  අමතමිනි.

තමා රැදී සිටියේ ලංකාවේද විදේශ රටකද යන්න දේශපාලනය කිරීමට  ප්‍රශ්නයක් නොවු බවද එහිදී පැවසූ  ඔහු අවධාරණය කර සිටියේ මෙතැන් පටන් “රටේ ජනතාවගේ අනාගත අභිවෘද්ධිය සඳහාත්, සමාජවාදී ඉලක්කය සඳහාත්, පුර්ණ ප්‍රජාතන්ත්‍රවාදය දිනා ගැනීම සඳහාත්,” අරගලයේ නිරත වන බවයි.

පෙරටුගාමී සමාජවාදී පක්ෂයේ මධ්‍යම කාරක සභික කුමාර් ගුණරත්නම්ගේ සිර දඩුවම් කාලය  අවසන් වීමෙන් පසුව ඔහු පිටුවහල් නොකරන බවට රජය 01 බ්‍රහස්පතින්දා  සහතික වී  තිබුණි.

ඔහු ශ්‍රී ලාංකික පුරවැසි භාවය සම්බන්ධයෙන් විධිමත් ඉල්ලීමක් සිදු කරන්නේ නම් එය සලකා බැලිය හැකි බවයි අභ්‍යන්තර කටයුතු, වයඹ සංවර්ධන හා සංස්කෘතිය කටයුතු අමාත්‍ය එස්.බී නාවින්න  පාර්ලිමේන්තුවේදී පවසා තිබුනේ.

කුමාර් ගුණරත්නම් නිදහස් වීමෙන් අනතුරුව නිවේදනයක් නිකුත් කරමින් පෙරටුගාමී සමාජවාදී පක්ෂය සදහන් කර ඇත්තේ කුමාර් ගුණරත්නම්  පුරවැසි පනතේ 8වැනි වගන්තිය යටතේ සාම්ප්‍රදායික පුරවැසිභාවය පිිළිබද සහතිකය ඉල්ලා සිටි අවස්ථා දෙකක් ඇතත්  ආණ්ඩුව එම අයදුම්පත්වලට ප්‍රතිචාර දක්වන්නට  කටයුතු කර නොමැති බවයි.

(Radio gagana)

Facebook Comments

wedding people