ජනාධිපතිවරයා පවසා ඇති ආකාරයට රජයේ තුවක්කු කිසිවෙකුට පත්තු නොවුන‍ා මෙන් වධ හිංසා වලින් ද තොර කරවීමට වගබලා ගත යුතු බවට යහපාලනය බිහි කිරීමට උර දුන් සිවිල් ක්‍රියාධරයෙකු ප්‍රකාශ කර තිබේ.
වත්මන් ආණ්ඩු සමයේ දේශපාලන හේතු මතු කිසිවෙකුට තුවක්කු පත්තු නොවු බවට ජනාධිපතිවරයා විසින් පසුගියදා ප්‍රකාශ කර තිබුනි.
“අපි ජනාධිපතිවරයාගෙන් ඉල්ලා සිටිනවා ඔබ යටතේ පොලිසිය බාර වෙන්නෙ. රජයේ තුවක්කුවකින් කෙනෙක් මැරුණෙ නැති වුණාට රජයේ සපත්තු වලින් රජයේ අත් පා වලින් කාන්තාවෝ පොලිසිය ඇතුලේ තුවාල වෙන්නත් බෑ.” යනුවෙන් වමේ කේන්ද්‍රයේ සම කැඳවුම්කරු චමීර පෙරේරා මාධ්‍ය වෙත කියා සිටියේය.
සිවිල් ක්‍රියාකාරිනියක වු ඈන් රණවීර හට පමුණුගම පොලිසිය විසින් වධ හිංසා කිරීම පිළිබඳව ගොණු කර ඇති මානව හිමිකම් පැමිණිල්ල 02 අඟහරුවාදා ශ්‍රී ලංකා මානව හිමිකම් කොමිසම විසින් විභාගයට ගත් අතර එම අවස්ථාවට පැමිණ සිටි චමීර පෙරේරා මේ බව සඳහන් කළේය.
යහපාලනය බිහි වීමත් සමඟ පොලිසිය තුළ සිදුවු වධ හිංසා හා ඝාතන අවසන් බව සිතුවද ආණ්ඩුවේ අවසන් කාලයේදී ප්‍රජාතන්ත්‍රවාදයත් අවසාන වෙනවාද යන ප්‍රශ්නය ඇති බවද ඔහු කියා සිටියේය.
කාතෝලික සභාව දැඩිව මිනිසුන්ගේ මානව හිමිකම් ආරක්ෂා කිරීමට පෙනී සිටින බවට සාක්ෂි දරමින් වධ හිංසාවට ලක්වු ඈන් රණවීරට සහාය පිණිස තමන් ද පෙනී සිටින බව සමාජය හා සාමායික කෙන්ද්‍රයේ විධායක අධ්‍යක්ෂක නීතිඥ අශෝක ස්ටීවන් පියතුමා එම අවස්ථාවේදී වැඩි දුරටත් සඳහන් කළේය.
Facebook Comments
