ශ්‍රී ලංකා අධිකරණ කේෂ්ත්‍රයේ සුවිශේෂී සන්ධිස්ථානයක් සනිටුහන් කරමින් සිවිල් සංවිධානයක් සිදුකළ පැමිණිල්ලක් අනුව මහේස්ත්‍රාත්වරයෙකු එම ධූරයෙන් ඉවත් කිරීමේ පුවත වාර්තා නොකිරීමට රාවය පුවත්පත අද දිනයේ වග බලා ගෙන ඇත.
අධිකරණ පද්ධතියේ සිටින දුෂිතයන්ට එරෙහිව කටයුතු කිරීමේ ක්‍රියාමාර්ගය කරලියට ගෙන එමින් එම අරගලය ආරම්භ කළ ජ්‍යෙෂ්ඨ මාධ්‍යවේදි වික්ටර් අයිවන්ගේ රාවය පුවත්පත මෙවන් සුවිශේෂි ජයග්‍රහයක් සම්බන්ධයෙන් කිසිදු සටහනක් තොතිබුයේ කුමක කරුණක් නිසාදැයි බොහෝ රාවය පාඨකයන්ගේ අද දවසේ මාතෘකාව වී තිබේ.
ශ්‍රී ලාංකීය ජනතාව වෙනුවෙන් තීරණාත්මක ජයග්‍රහනයක් ලබා ගත් මෙවන් මොහොතක රාවය වැනි පුවත්පතක ප්‍රමුඛ පුවතක් ලෙස ජනතාව බලාපොරොත්තු වන එම පුවත පල කිරීමෙන් රාවය වැලකි සිටියේ කුමන හේතුවක් නිසාදැයි හිතාගැනීමටත් අපහසුය.
හිටපු විනිසුරු ලෙනින් රත්නායකගේ අත්තනෝමතික ක්‍රියා කලාපය ඇතුලත් කරමින් නිර්මාණය කළ “උසාවිය නිහඩයි” වාර්තාමය චිත්‍රපටය වෙනුවෙන් මහත් කැපවීමක් සිදු කළ වික්ටර් අයිවන් සහ ඔහුගේ රාවය පුවත්පතේ අද දවසේ ක්‍රියාකලාපය සම්බන්ධයෙන් අපට කීමට ඇත්තේ දැන් පෙන්නනවා – රාවය නිහඩයි! යනුවෙනි.
කොළඹ 10, වතුර ටැංකිය පාරේ ව්‍යාජ ලිපිනයකින් අධිකරණ සේවයේ පත්වීම් ලැබූ ඩී.එම්.ඒ.අයි.දිසානායක නම් 2 වන පන්තියේ 1 ශ්‍රේණියේ අධිකරණ මහෙස්ත්‍රාත්වරයෙක් එම ධූරයෙන් ඉවත් කිරීමේ පුවත වාර්තා නොකරන ලෙස රජයේ ප්‍රවෘත්ති දෙපාර්තමේන්තුවේ තොරතුරු නිලධාරිනියක් මාධ්‍ය ආයතන කිහිපයකයට 02 බ්‍රහස්පතින්දා දිනයේ බලපෑම් කර තිබුණි.
රාවය පමණක් නොවේ
දුරකථන ඔස්සේ ඇමතුම් ලබා දෙමින් එම පුවත වාර්තා නොකරන ලෙස ඇය ඉල්ලා තිබු අතර මේ වන විටත් පුවත පල කර තිබු බෙව් අඩවි කිහිපයක් එම පුවත ඉවත් කර ගැනීමට කටයුතු කර ඇති අතර ඇය විසින් ජාතික පුවත්පත් කිහිපයකනට ද දුරකථන ඇමතුම් ලබා දී ඇති බව සිලෝන් ජර්නල්ස් වෙත වාර්තා වේ.
විජය පුවත්පත් සමාගමට අයත් දිනපතා ඩෙිලි මිරර් පුවත්පතේ දුර බැහැර ප්‍රෙද්ශ සදහා යවනු ලබන පුවත්පත් වල එම පුවත සදහන්ව ඇතත් කොළඹට බෙදා හරින ඩෙිලි මිරර් පුවත්පතේ එම ප්‍රවෘත්තිය ඇතුලත්ව නැත්තේ ඇයිදැයි යන්න පුවත්පත් මුද්‍රණය සම්බන්දයෙන් අල්ප දැනුමක් ඇත්තෙකුට වුවද තේරුම් ගත හැකිය.
කෙසේ නමුත් මව්බිම පුවත්පතේ එම පුවත පල කර තිබෙන අතර බොහෝමයක් ජාතික පුවත් පත් විසින්ද එය පල කිරීමෙන් වැලකී ඇති බවයි සිලෝන් ජර්නල්ස් වෙත වැඩි දුරටත් වාර්තා වන්නේ.
රජයේ ප්‍රවෘත්ති දෙපාර්තමේන්තුවේම තොරතුරු නිලදාරිනියකගේ බලපෑම් හමුවේ මේ සියල්ල සිදු වන්නේ තොරතුරු දැනගැනීමේ පනත පෙබරවාරි 03 සිකුරාදා ( අද) සිට ක්‍රියාත්මක කිරීමට නියමිත බවට රජයේ ප්‍රවෘත්ති දෙපාර්තමේන්තුව නිවේදනය කර තිබෙන පසුබිමක් තුලදීය.
Facebook Comments
