දෙමළ මහවිරු සමරුවට එරෙහි මන්නාරමේ පොලිස් පැමිණිල්ල අස් කරගනී

0

මන්නාරමේ මහවිරු සමරුව තහනම් කරන ලෙස පොලිසිය ගොනු කළ පැමිණිල්ල ඉල්ලා අස්කරගෙන තිබේ.

අඩම්පන් පොලිසිය මගින් මහවිරු සැමරුම් සංවිධානය වළක්වාලමින් පැමිණිලි ගොනු කර තිබුනේ මන්නාරමේ නගර සභා සභාපති ඇතුළු හය දෙනෙකුට එරෙහිවයි.

විත්තිකරුවන් වෙනුවෙන් පෙනී සිටී නීතිඥ සෙල්වරාජ් දිනේෂ් පවසන්නේ මහවිරු දිනය සැමරීම තුලින් නැවතත් ජනතාව අතර ජාතිවාදී ගැටුම් ඇතිවිය හැකි බැවින් එය තහනම් කරන ලෙස අඩම්පන් පොලිස් ස්ථානාධිපති අධිකරණයෙන් ඉල්ලා ඇති බවයි.

ඒ අනුව මන්නාරම් මහේස්ත්‍රාත්වරයා නගර සභා සභාපති ඇතුළු මහවිරු සැමරුම් සංවිධායකයන් හය දෙනෙකුට වාරණ නියෝගයක් නොවැම්බර් 24 වැනිදා පනවා තිබේ.

මහවිරු දින සැමරුම් සඳහා මන්නාරමේ ආර්ට්කාට්වෙලි සොහොන් බිම පිළිසකර කිරීමේ ශ්‍රමදානය පැවැත්වෙමින් තිබියදී ඊට එරෙහි වෙමින් පොලිසිය අධිකරණය වෙත ගිය මුත් පසුව එම පැමිණිල්ල ඉල්ලා අස්කර ගත් බව නීතිඥ දිනේෂ් පවසයි.

මේ අතර යාපනේ සරසවියේ සිසුන් විසින් විමුක්ති කොටි නායක වේලුපිල්ලේ ප්‍රභාකරන්ගේ 68 වැනි ජන්ම දිනය ඊයේ සමරනු ලැබුවේ ඔහුගේ සේයාරුවක් ඉදිරියේ කේක් කැපීමෙනී.

LTTE නායකගේ උපන් ගම වූ වැල්වැටිතුරේ දී ජන්ම දින උත්සවය සමරනු ලැබුවේ දෙමළ ජාතික පක්ෂයේ ලේකම්, හිටපු පාර්ලිමේන්තු මන්ත්‍රී එම්.කේ. සිවාජිලිංගම් ගේ ප්‍රධානත්වයෙනි. මෙහි පැමිණි ජනතාවට රසකැවිලි වලින් සංග්‍රහ කෙරිණි.

ප්‍රදේශයේ වාර්තාකරුවන් පැවසුයේ මහවිරු සමරු සතිය ආරම්භයේ සිටම වැල්වැටිතුරේ පිහිටි විමුක්ති කොටි නායක ප්‍රභාකරන්ගේ නිවස අවට හමුදා, පොලිස් සහ බුද්ධි අංශ දැඩි රැකවල් යොදා තිබු බවයි.

රජයේ ආරක්‍ෂක අංශ විසින් කෙතරම් බාධා එල්ල කළ ද මහවිරු සැමරුම් වැල්වැටිතුරේ දී පැවැත්වෙන බව වාර්තා වේ.

Facebook Comments

wedding people