මැතිවරණයක් සඳහා රාජපක්ෂ කඳවුර විසින් මේතාක් ඉදිරිපත් කරන ලද ඉතාම දුර්වලම අපේක්ෂකයා ජනාධිපතිවරණයට තරඟ කිරීමට යෝජනා කර ඇති බවට ජනතා විමුක්ති පෙරමුණ පවසනවා.
ශ්‍රී ලංකා පොදුජන පෙරමුණ නියෝජනය කරමින් ඉදිරි ජනාධිපතිවරණ අපේක්ෂයා ලෙස යෝජනා කර තිබෙන ගෝඨාභය රාජපක්ෂ තමන්ගේ දුර්වලකම භාවිතාව තුළින්ම ඔප්පු කර අවසන් බවයි විජිත හේරත් මන්ත්‍රීවරයා පෙන්වා දෙන්නේ.
“රාජපක්ෂ කඳවුරෙන් මෙතෙක් ඉදිරිපත් කරපු අපේක්ෂකයන්ගෙන් දුර්වලම, දුර්වලම අපේක්ෂකයා තමයි ගෝඨාභය රාජපක්ෂ. ඒ නිසා ඔහුට මේ රට වෙනස් කරන්න බැහැයි කියන එක අලුතෙන් කතා කරන්න දෙයන් නැහැ.”යි මන්ත්‍රීවරයා කොළඹ පැවති මාධ්‍ය හමුවක දී සඳහන් කළේය.
ඉදිරි ජනාධිපතිවරණය සඳහා ජවිපෙ නියෝජනය කරමින් ඉදිරිපත් කරන අපේක්ෂකයා මේ වන විටත් තෝරාගෙන අවසන් බව කී ජවිපෙ ප්‍රචාරක ලේකම් විජිත හේරත් මන්ත්‍රීවරයා එළඹෙන 18 වන දා ඔහු රටට ඉදිරිපත් කරන බව ද වැඩි දුරටත් කියා සිටියේය.
Facebook Comments
