අර්ජුන් ඇලෝසියස්ට අයත් පර්පචුවල් ට්‍රෙෂරීස් සමාගම මගින් කල්කුඩා ප‍්‍රදේශයේ ආරම්භ කිරීමට යන මත්පැන් කර්මාන්තශාලාවට ඉඩ නොදිය යුතු බවට ශ්‍රී ලංකා නිදහස් පක්‍ෂ තරුණ පෙරමුණේ සභාපතිවරයා පවසයි.
මෙය ආරම්භ කිරීමට ඉඩ දුනහොත් යාපනයේ තල් අරක්කු කර්මාන්තයේ නියුතු ජනතාවගේ ජීවනෝපායට ගැටලූ ඇතිවන පෙන්වා දෙන තරුණ පෙරමුණේ සභාපති ශාන්ත බණ්ඩාර එම කර්මාන්තයේ නියුතු ජනතාව දැනටත් මුදල් අමාත්‍යාංශයේ වැරදි තීරණ නිසා පීඩාවට පත්ව සිටින බවද කියා සිටී.
බැඳුම්කර වංචාව සම්බන්ධයෙන් පර්පචුවල් ට්‍රෙෂරීස් සමාගමට එරෙහිව පරීක්‍ෂණ සිදුකෙරෙමින් තිබියදීත් ඔවුන්ට බදු සහන ඇතුළු සියල්ල ලබා දෙමින් යාපනයේ ජනතාවගේ කර්මාන්තයට පහර ගසන්නට මුදල් අමාත්‍යාංශය හා සුරා බදු දෙපාර්තමේන්තුව කටයුතු කිරීම ගැටලූවක් බවයි සභාපතිවරයා පෙන්වා දෙන්නේ.
යාපනයේ ජනතාව ඉල්ලන්නේ ෆෙඩරල්, ඉඩම් බලතල හෝ පොලිස් බලතල නොව තමන්ට පවතින මෙවන් ගැටලූවලට විසඳුම් බව කි ශාන්ත බණ්ඩාර ඒවා විසඳන්නේ නැතිව සංහිඳියාව ගැන කතා කළ නොහැකි බවද ප‍්‍රකාශ කරයි.
Facebook Comments
