සන්නද්ධ අරගලයේ ‘වරද’ සම්බන්ධන් බාරගනී

0

සන්නද්ධ අරගලයෙන් වැළකී මහත්මා ගාන්ධි මෙන් අවිහිංසාවාදී සත්‍යග්‍රහ ව්‍යාපාර හරහා සටන් වැදුනේ නම් ස්වයං පාලන බලයක් ලබා ගැනීමට හැකියාව තිබු බවට දෙමළ සන්ධාන නායකයා විශ්වාසය පළ කර තිබේ.

එය “අපෙන් සිදු වූ වරදක්’ යැයි කී විපක්ෂ නායක ආර්සම්බන්ධන් රටේ කිසි දිනක ප්‍රචණ්ඩත්වය ඇති නොවෙතැයි බලාපොරොත්තු වන බව 12 සිකුරාදා මහත්මා ගාන්ධී මැතිතුමාගේ 150 වැනි ජන්ම දිනය වෙනුවෙන් පැවති විශේෂ විවාදයට එක්වෙමින් ශ්‍රී ලංකා පාර්ලිමේන්තුවේ දී කියා සිටියේය.

“1977 දී එක්සත් ජාතික පක්ෂය බලයට පත් වූ අවස්ථාවේ දී අපේ පක්ෂවලින් ද තේරී පත් වුණා. ගාන්ධි තුමා කළ ආකරයට අවිහිංසාවෙන් කටයුතු කළා නම්, අපට ජන අරගලය වළක්වා ගැනීමට හැකියාව තිබුණා. 1977 දී දෙමළ පාර්ලිමේන්තු මන්ත්‍රීවරුන්, අප මෙම අවිහිංසාවාදී සත්‍යග්‍රහ ව්‍යාපාරවලට සම්බන්ධ වුණා නම්, සන්නද්ධ අරගලය වැළැක්වීමට හැකියාව තිබුණා.”

ජාතික ප්‍රශ්නයට විසඳුමක් ලබාදීමට රජය අපොහොසත් වුවහොත් දෙමළ ජනතාව අනාගතයේ දී අවිහිංසාවාදී ක්‍රියාමාර්ගවලට යොමු වී තම අයිතිවාසිකම් දිනා ගත යුතු යැයි විපක්ෂ නායක වැඩි දුරටත් අවධාරණය කළේය.

Facebook Comments