තම පියා සැලසුම් සහගත ලෙස මරා දැමූ බව මයිකල් ජැක්සන්ගේ දියණිය වන පැරිස් ජැක්සන් රෝලින්ග් ස්ටෝන් සඟරාවට සම්මුඛ සාකච්ඡාවක් ලබාදෙමින් අනාවරණය කර ඇත.
පියාගේ මරණය සැලසුම් සහගතව සිදුවූ බවට අනාවරණය කරන පැරිස් විසින් එම මරණය සම්බන්ධයෙන් වෛද්‍ය මරේ වෙත ඇඟිල්ල දිගු කළද, ඇය පවසන්නේ ඊට වඩා එහා ගිය සිදුවීමක් මේ පසුපස පවතින බවයි.
මේ සිදුවීම් සියල්ල චෙස් පුවරුවකට ගෙන එන පැරිස් පවසන්නේ දැන් තමන්ද මේ චෙස් ක්‍රීඩාව සඳහා සූදානමින් සිටින බවයි.
තම පියාගේ ඝාතන සම්බන්ධයෙන් මේ වනවිට තමාට පැවසීමට ඇත්තේ එපමණක් බවද ඇය අවධාරණය කරයි.
පැරිස් ජැක්සන් සිදුකරන තවත් අනාවරණයක් වූයේ වයස අවුරුදු 14 නව යොවුන් වියේ දැරියක් ලෙස තමා දූෂණයට ලක්වූ බව සහ මේ නිසාම අවස්ථා කිහිපයකදී ජීවිතය නැති කරගැනීමට උත්සාහ කළ බවද ඇය රෝලින්ග් ස්ටෝන් සඟරාවට අනාවරණය කර ඇත.
(Mirrorarts)
Facebook Comments
