ලෝකයේ දීර්ඝතම විරෝධතා උපවාසය අවසන්

ඉන්දියානු ක්‍රියාධාරිනියක වන ඉරෝම් ශර්මිලා විවාදාත්මක නීතියකට එරෙහිව වසර 16 ක් තිස්සෙ පවත්වාගෙන ආ උපවාසය අවසන් කළාය.

පසුගිය මාසයේ ඇය පැවසුවේ අඟහරුවාදා සිට තම උපවාසය අවසන් කොට ළඟදී පැවැත්වීමට නියමිත මනිපූර් ප්‍රාන්ත මැතිවරණය සඳහා ස්වාධීන අපේක්ෂිකාවක ලෙස ඉදිරිපත් වන බවයි.

නිල නියෝගයකින් තොරව පුද්ගලයන් අත්අඩංගුවට ගැනීමට සහ ඇතැම් අවස්ථාවන් වලදී ඕනෑම අයෙකුට වෙඩි තබා මරා දැමීමට හමුදාවට විශේෂ බලය ලබාදීමට එරෙහිවයි වසර දහසයක් තිස්සේ ඇය උපවාසයක නිරතවූයේ.

මනිපූර් ප්‍රාන්තයේ මෙන්ම ඉන්දියාවේ පාලනය යටතේ පවතින කාශ්මීර ප්‍රදේශ වලද ඉහත කී පොලිස් බලය ක්‍රියාත්මක වේ.

ඡායාරූප ශිල්පියෙකු වන ඉයන් තෝමස් ජැන්සන් පසුගිය වසර කිහිපයක් තිස්සේ ඇගේ ක්‍රියාවන් ලුහුබඳිමින් කැමරාවට හසුකර ගත්තේය.

ශකයකට වැඩි කාලයක් නාසය තුළින් යැවූ බටයක් මගින් බලහත්කාරයෙන් අහාර ලබාදෙනු ලැබූ චානු තම උපවාසය ආරම්භ කළේ මනිපූර් හිදී ඉන්දියානු සොල්දාදුවන් විසින් සාමාන්‍ය වැසියන් දස දෙනෙකු මරා දැමීමෙන් පසුවයි.

පසුගිය වසර 16 න් වැඩි කොටසක් ඇය ගත කළේ මනිපූර් හි ඉම්පාල් රෝහලේ වන අතර එහිදී බලහත්කාරයෙන් ඇයට බීම වර්ග සහ බෙහෙත් වර්ග ලබා දුන්නේ නාසයෙන් යැවූ බටයක් තුළිනි.

ඇයට එරෙහිව තිබූ ‘දිවි නසාගැනීමට උත්සාහ කිරීමේ’ චෝදනාව 2014 වසරේ අගෝස්තු මාසයේ දී ඉවත දැමූ අධිකරණය ඇය නිදහස් කර යැවුවද ඉන් දින දෙකකට පසු නැවත අත්අඩංගුවට ගනු ලැබුණේ උපවාසය අත් හැරීමට ඇය අකමැත්ත පළ කිරීම හේතුවෙන්.

සෑම සති දෙකකට වරක්ම ඇය මනිපූර් අධිකරණයට පැමිණ තම විරෝධය පල කළාය.

ඇගේ විරෝධයට ලොවපුරා වධානය ලැබුණු අතර ජාත්‍යන්තර ක්ෂමා සංවිධානය ( Amnesty International) පැවසුවේ ඇය හෘදසාක්ෂියේ සිරකාරියක වී ඇති බවයි.මෑතකාලයේ දී මේ ක්‍රියාධාරිනිය ජාත්‍යන්තර සහ දේශීය මාධ්‍ය වල දැඩි අවධානයට ලක් විය.

මෑතකාලයේ දී මේ ක්‍රියාධාරිනිය ජාත්‍යන්තර සහ දේශීය මාධ්‍ය වල දැඩි අවධානයට ලක් විය.

ප්‍රාන්තයේ මානව හිමිකම් සංවිධාන වලින් අයට විශාල සහයෝගයක් ලැබිණි

ඉන්දියානු හමුදාව විසින් මනිපූර් හි සාමාන්‍ය වැසියන් 10 දෙනෙකු මරා දැමූ ස්ථානයේ ස්මාරකයක් ඉදිකොට තිබේ. මිලියන 2.5 ක ජනතාවක් සිටින මනිපූර් ප්‍රාන්තය තුල විශාල ආරක්ෂක හමුදා භට පිරිසක් ද හමුදා අනුබද්ධ කණ්ඩායම් සහ විශාල පොලිස් හමුදාවක්ද සේවයේ යොදවා ඇත.

BBC