අතුරුදහන් කරවුවන් වෙනුවෙන් යුක්තිය ඉල්ලා එක්සත් ජාතීන්ගේ මානව හිමිකම් මණ්ඩලය හමුවේ කරුණු දැක්වීමට අපේක්ෂා කළ දෙමළ මව්වරුන් සමූහයකට ස්විස් බලධාරීන්ගෙන් බාධා එල්ල වී තිබේ.
උතුරු නැගෙනහිර දිස්ත්‍රික් අටක දහස් සංඛ්‍යාත අතුරුදහන් වුවන් නියෝජනය කරමින් ජිනීවා බලා යාමට සූදානම් වූ නියෝජිත පිරිසකට බාධා වී ඇත්තේ කොළඹ ස්විට්සර්ලන්ත තානාපති කාර්යාලය වීසා ලබා නොදීම නිසාය.
සිදුවූ අකටයුත්ත සම්බන්ධයෙන් කෝපය පලකරන අතුරුදහන් වුවන්ගේ ඥාතීහු දෙබිඩි පිළිවෙතක් අනුගමනය කරන බවට විදේශ ආණ්ඩු වලට චෝදනා කරති.
අතුරුදහන් කිරීමට සැක කෙරෙන නාවික නිලධාරියකු වසන් කර තැබීමට උදව් කළ බවට නැගෙන චෝදනා විභාග කිරීමට රහස් පොලිසියට අවශ්‍ය වී තිබෙන ආරක්ෂක මාණ්ඩලික ප්‍රධානී රවීන්ද්‍ර විජේගුණරත්නට විදේශ ගතවීමට පහසුකම් සැලසීම ඥාතීන් විසින් අවධාරණයෙන් සඳහන් කරන ලදී.
“අපිට අපේ දුක කියන්න අවසර නැති වුනත්, අපරාධකරුවන්ට ජාත්‍යන්තර ආරාධනා. මේකද ජාත්‍යන්තර යුක්තිය,” යි ඥාතීන්ගේ සංවිධානයේ සම්බන්ධීකාරිකා මරියසුරේෂ් ඊශ්වරී මුලතිව් හිදී මාධ්‍යවේදීන්ට කියා සිටියේය.
“ආණ්ඩුව උත්තර දෙන්නේ නෑ. පිටරටවල් අපිව යුක්තිය සොයා යාමෙන් වළක්වනවා. මේක තමයි යථාර්ථය.” මුලතිව් ක්‍රියාධාරිනී රංජනා ප්‍රභාකරන් මාධ්‍ය වෙති පැවසීය.
එක්සත් ජාතීන්ගේ මානව හිමිකම් සමුළුවේ දී ශ්‍රී ලංකාවට මානව හිමිකම් සුරකින ලෙස සම්මත කරගෙන ඇති යෝජනාවට විරෝධය පලකරනු පිණිස සිංහල ජාතිකවාදී සංවිධානයක් නියෝජනය කරමින් රියර් අද්මිරාල් සරත් වීරසේකර ඇතුළු කණ්ඩායමක් මේ වන විට ජිනීවා ගොස් සිටිති.
Facebook Comments
