තර්ජන, ගර්ජන සහ මිනීමැරීම එක්සත් ජාතික පක්ෂයේ දේශපාලනික උපාය මාර්ගය නොවන බවට එජාපයේ නීතිඥ නියෝජ්‍ය ඇමැතිවරයෙකු පවසයි.
ජනාධිපති මෛත්‍රීපාල සිරිසේන සහ හිටපු ආරක්ෂක ලේකම් ගෝඨාභය රාජපක්ෂ ඝාතනය කිරීම සඳහා කුමන්ත්‍රණයක් පවතින බවට පැවසෙන සිද්ධිය සම්බන්ධයෙන් මාධ්‍යවේදීන් නැඟ ප්‍රශ්න වලට පිලිතුරු දෙමින් නියෝජ්‍ය අමාත්‍ය නීතිඥ අජිත් පී. පෙරේරා කියා සිටියේය.
එක්සත් ජාතික පක්ෂය උවමනාවක් නැහැ එහෙම කරන්න. අපේ දේශපාලන සංස්කෘතිය ඒකත් නෙමේ. යි නියෝජ්‍ය ඇමැතිවරයා කොළඹ පැවති උත්සවයකින් අනතුරුව මාධ්‍ය වෙත සඳහන් කළේය.
කිසියම් නිලධාරියෙකු වරදක් කර හෝ වරදක් කිරීමට කුමන්ත්‍රණය කර ඇත්නම් ඒ පිළිබඳව විමර්ශණය කර රටේ නීතිය ක්‍රියාත්මක විය යුතු බව අජිත් පී පෙරේරා නියෝජ්‍ය අමාත්‍යවරය‍ා අවධාරණය කර සිටියේය.
හිටපු නියෝජ්‍ය පොලිස්පතිවරයෙකු වන වාස් ගුණවර්ධන සහ යාපනයේ විද්‍යා දැරිය මර දැමීමේ සැකකරුවන් වසං කිරිමේ චෝදනා එල්ල වන පොලිසියේ උසස් නිලධාරියෙකුට එදිරිව නීතිය ක්‍රියාත්මක කිරීම උදාහරණය ගනිමින් මීට පෙර නීතිය ක්‍රියාවට නැංවු ආකාරය ඇමැතිවරයා සිහිපත් කර දුනි.
ප්‍රජාතන්ත්‍රවාදි මඟ හැර එක්සත් ජාතික පක්ෂයට වෙනත් මඟක් නැති බවද නියෝජ්‍ය අමාත්‍ය නීතිඥ අජිත් පී. පෙරේරා වැඩි දුරටත් අවධාරණය කළේය.
Facebook Comments
