යෝජිත නව ආණ්ඩුක්‍රම ව්‍යවස්ථාව සම්බන්ධයෙන් එළඹෙන සතියේදී ජනාධිපතිවරයා විශේෂ ප්‍රකාශයක් කිරීමට සුදානම් වන බවට වාර්තා වේ.
නව ව්‍යවස්ථාව ප්‍රමාද වීම හේතුවෙන් සිවිල් සංවිධාන, දේශපාලන පක්ෂ ඇතුළු කණ්ඩායම් නඟන චෝදනා හේතුවෙන් ජනාධිපති මෛත්‍රීපාල සිරිසේන මෙම ප්‍රකාශය සිදු කිරීමට නියමිතව ඇති බවයි ජනාධිපති ලේකම් කාර්යාල ආරංචි මාර්ග පවසන්නේ.
ව්‍යවස්ථාව සම්බන්ධව ආණ්ඩුවේ ස්ථාවරය ජනාධිපතිවරයා මෙහිදී හෙළි කිරීමට සුදානම් වී ඇති බවට වාර්තා වන අතර ව්‍යවස්ථා සංශෝධනයක් සිදු කරනවාද නැතහොත් නව ව්‍යවස්ථාවක් සකසනවාද යන්න මෙම ප්‍රකාශය හරහා රටට හෙළි වනු ඇති බවයි සිලෝන් ජර්නල් වෙත වාර්තා වන්නේ.
ව්‍යවස්ථා සංශෝධනයක් වෙනුවට නව ව්‍යවස්ථාවක් සැකසිය යුතුය යන්න එක්සත් ජාතික පක්ෂයේ ස්ථාවරය වන අතර තිබෙන ව්‍යවස්ථාවට සංශෝධන එක් කිරීම ප්‍රමාණවත් බවයි ශ්‍රී ලංකා නිදහස් පක්ෂය පවසන්නේ.
කෙසේ වෙතත් මේ සම්බන්ධව සිලෝන් ජර්නල්ස් වෙත අදහස් දැක්වු සිවිල් සංවිධාන නියෝජිතයෙක් කියා සිටියේ ජනාධිපති මෛත්‍රීපාල සිරිසේන බලයට කිරීමට තමන් එකඟවුයේ නව ව්‍යවස්ථාවක් සම්බන්ධව සහ ජාතික ප්‍රශ්නය විසඳුන බවට දුන් පොරොන්දු නිසා බැවින් ජනාධිපතිවරයා එම පොරොන්දු ඉටු කල යුතු බවයි.
නව ව්‍යවස්ථාවක් සම්බන්ධ ජනමත විචාරණයකට තම පුර්ණ සහය හිමි වන බව කී සිවිල් සංවිධාන නියෝජිතයා ජනමත විචාරණයක් පැවැත්වුවහොත් එය ජය ගත හැකි බවටද විශ්වාසය පළ කළේය.
Facebook Comments
