දූෂණ මර්දන කමිටු ලේකම් කාර්යාලය ගැන තවම තීරණයක් ගෙන නැහැ

0

දූෂණ මර්දන කමිටු ලේකම් කාර්යාලය පවත්වාගෙන යන්නේ ද නැද්ද එහි කාර්ය භාරය සංශෝධනයකට ලක් කරන්නේ ද යන්න පිළිබදව මෙතෙක් තීරණයක් ගෙන නොමැති බව අග්‍රාමාත්‍ය කාර්යාලය පවසයි.

අග්‍රාමාත්‍ය කාර්යාලය යටතේ පවත්වාගෙන යනු ලබන දූෂණ මර්දන කමිටු ලේකම් කාර්යාලය වසා දමන බවට සහ එහි කාර්යයන් අඩපණ කරලීමට යම් යම් පාර්ශවයන් උත්සාහ කරන බව සඳහන් කරමින් පසුගිය දින කීපය තුළ ජනමාධ්‍ය ඔස්සේ පළ කෙරුණු ප්‍රවෘත්ති සම්බන්ධව අග්‍රාමාත්‍ය කාර්යාලයේ අවධානය යොමු වී ඇතැයි නිවේදනයක් නිකුත් අග්‍රාමාත්‍ය කාර්යාලය කියා සිටි.

දූෂණ මර්දන කමිටු ලේකම් කාර්යාලයේ කාර්යයන් විධිමත් කරලීම සම්බන්ධව අල්ලස් හෝ දූෂණ විමර්ෂන කොමිසම, පොලිස් මූල්‍ය අපරාධ කොට්ඨාසය හා දූෂණ මර්දන කමිටු ලේකම් කාර්යාලය යන ආයතන තුනම නියෝජනය කරන නිලධාරීන් ඇතුළත් කමිටුවක් විසින් විශේෂ වාර්තාවක් සකස් කෙරෙමින් පවතී බවයි එම නිවේදනය මඟින් පෙන්වා දී ඇත්තේ.

දූෂණ මර්දන කමිටු ලේකම් කාර්යාලය පවත්වාගෙන යන්නේ ද, එහි කාර්ය භාරය සංශෝධනයකට ලක් කරන්නේ ද, එසේත් නැතිනම් අල්ලස් හෝ දූෂණ විමර්ෂන කොමිසම සහ පොලිස් මුල්‍ය අපරාධ කෙට්ඨාසය සමඟ සමාන්තර මට්ටමකින් එම කාර්යාලයට වගකීම් පවරන්නේ ද යන්න පිළිබඳ අවසන් නිගමනයකට එළැඹෙනුයේ පෙර කී වාර්තාවේ නිර්දේශයන් අනුව බවයි අගමැති කාර්යාලය නිකුත් කල නිවේදනයේ වැඩිදුරටත් දැක්වෙන්නේ.

Facebook Comments

wedding people