ජනාධිපතිවරයා විසින් ගම් සභාවක් පාලනය කරන ආකාරයට රට පාලනය කරමින් සිටන බවට රාජිත සේනාරත්න මන්ත්‍රීවරයා චෝදනා කර සිටී.
මෛත්‍රීපාල සිරිසේන ජනාධිපති ධුරයට ඔසවා තැබු බලවේග විසින්ම ඔහුව පරාජය කරන බවට හිටපු ඇමැතිවරයා 08 සෙනසුරාදා එක්සත් ජාතික පක්ෂයේ රත්මලාන ආසන බල මණ්ඩලය අමතමින් කියා සිටියේය.
“මෛත්‍රීපාල සිරිසේන මහතා මෙම සටනනින් අපි පරාජය කරනවා. මෑත කාලයේ අපි ආරම්භ කළ සටන් පරාද වෙලා නැහැ. ජනාධිපතිධූරයට අපි ගෙන ආපු පුද්ගලයා අපි විසින්ම පරාජයට පත් කරනවා. ඔහු මේ වන විට නඩු දෙකකින් පරාද වී සිටිනවා. පොළොන්නරුවේ ගම් සභාව වගේ රට කරවන්න හදනවා.” යි මන්ත්‍රීවරයා පැවසීය.
අග්‍රාමාත්‍යවරයා සහ අමාත්‍ය මණ්ඩලය තහනම් කළ ලොව එකම රට ශ්‍රී ලංකාව බව පෙන්වා දෙන රාජිත සේනාරත්න ජනාධිපතිවරයා ක්‍රීයා කරමින් සිටින්නේ ව්‍යවස්ථාවට එරෙහිව බව ද සඳහන් කළේය.
“වැරදි ආදර්ශ වලට ඉඩ ලබා නොදිය යුතුයි. නීතිය ආරක්ෂා කළ යුතුයි. වෙනත් රටවල කූර පාලකයින් එලවා දැමූ ආකාරයට ජන බලය මගින් සිරිසේන රාජපක්ෂ යුගලය අපි එලවා දමනවා.” යි හිටපු ඇමැති රාජිත සේනාරත්න වැඩි දුරටත් කියා සිටියේය.
Facebook Comments
