ප්‍රජාතන්ත්‍රවාදය, සංහිඳියා හා සංවර්ධනය ඔස්සේ රජය යන ගමනට මාධ්‍යයේ සහය ඉල්ලයි

0
625
wedding people
Loading...

ප්‍රජාතන්ත්‍රවාදය, සංහිඳියා හා සංවර්ධනය යන කරුණු තුන යටතේ රජය ගමන් මඟ වැටි ඇති බව පවසන ජනමාධ්‍ය ඇමතිවරයා ජාති, ආගම්, පක්ෂ පාට භේදයෙන් තොරව එම වැඩපිළිවෙළට සහයෝගය ලබා දෙන ලෙස රජයේ හා පෞද්ගලික අංශයේ සියලුම මාධ්‍යවලින් ඉල්ලීමක් කරයි.

කලාපයේ සක්‍රිය ජනමාධ්‍ය කර්මාන්තයක් තිබෙන රටක් බවට ශ්‍රී ලංකාව ද පත් වී ඇති බව මුදල් හා ජනමාධ්‍ය අමාත්‍ය මංගල සමරවීර සදහන් කළේ 2 සිකුරාදා දිනයේ ජනමාධ්‍ය අමාත්‍යාංශයේ සහ රජයේ ප්‍රවෘත්ති දෙපාර්තමේන්තු නිලධාරීන් හමුවෙමින් බව රජය සදහන් කරයි.

විධායක බලය පාර්ලිමේන්තුවට ලබාදීමේ කටයුතු මේ වන විට ආරම්භ කර තිබෙන අතර සෑම ජන කණ්ඩායමකම අදහස්වලට සවන් දෙමින් කටයුතු කරන බව මෙන්ම බෙදීම් තුළින් රටකට ඉදිරියට යා නොහැකි බවද ඇමතිවරයා මෙහිදී අවධාරණය කර තිබේ.

නිදහස ලබාගන්නා විට කලාපයේ ජපානයට පමණක් දෙවැනි වූ ශ්‍රී ලංකාව පක්ෂ පාට, ජාති, ආගම් වශයෙන් කුලල් කෑම් හේතුවෙන් ගත යුතු තීණ්දු තීරණ රැසක් අතපසු වී තිබෙන බවත් නියපොත්තෙන් කැඩීමට තිබුණු දේ වසර 30ක් වැනි යුද්ධයක් බවට පත් වූ බවත් මංගල සමරවීර එහිදී පෙන්වා දී ඇත.

මුදල් හා ජනමාධ්‍ය නියෝජ්‍ය අමාත්‍ය ලසන්ත අලගියවන්න , රජයේ ප්‍රවෘත්ති අධ්‍යක්ෂ ජනරාල් ආචාර්ය රංග කලංසූරිය, ජනමාධ්‍ය අමාත්‍යාංශයේ අතිරේක ලේකම්වරුන් වන රමණී ගුණවර්ධන සහ එච්.ඩී.එස්. මල්කාන්ති, ආයතන ප්‍රධානී ඇතුළු ජනමාධ්‍ය අමාත්‍යාංශයේ සහ රජයේ ප්‍රවෘත්ති දෙපාර්තමේන්තුවේ නිලධාරින් එම අවස්ථාවට එක්ව තිබේ.

Facebook Comments

Loading...