වසරක් මහ උළු ගෙදර සිටි අනුර ගෙදර යයි

0

රගර් ක්‍රීඩක වසීම් තාජුඩීන් ඝාතනයේ තොරතුරු වසන් කළ බවට චෝදනා ලැබ අත්අඩංගුවට ගෙන රක්ෂිත බන්ධනාගාර ගත කර සිටි හිටපු ජ්‍යෙෂ්ඨ නියෝජ්‍ය පොලිස්පති අනුර සේනානායක වසරකට වැඩි කාලයකට පසු ඇප මත නිදහස් කරලීමට අධිකරණය විසින් තීරණය කර තිබේ.

අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන සිටි සැකකාර හිටපු නියෝජ්‍ය පොලිස්පතිවරයා, රුපියල් ලක්ෂ 10ක මුදල් ඇප හා රු. ලක්ෂ 50 බැගින් වූ ශරීර ඇප 3ක් මත මුදා හැරීමට කොළඹ ප්‍රධාන මහාධිකරණ විනිසුරුවරයා ජුනි 02 සිකරාදා නියෝග කළේය.

අනුර සේනානායක හට විදේශ ගතවීම තහනම් කරමින් නියෝගයක් පැන වු අධිකරණය සතියේ සෑම දිනකම ඉරිදා පෙරවරුවේ කොළඹ අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙසටද නියෝග කර ඇත.

පරීක්ෂණ කටයුතුවලට හෝ පැමිණිල්ලේ සාක්ෂිකරුවන්ට බලපෑම් කරනු ලැබුවහොත් නඩු විභාගය අවසන් වනතුරු රක්ෂිත බන්ධනාගාර ගත කර තබන බවට විනිසුරුවරයා විසින් සැකකාර හිටපු නියෝජ්‍ය පොලිස්පති අනුර සේනානායකට අවවාද කර තිබේ.

හිටපු නියෝජ්‍ය පොලිස්පති අනුර සේනානායක පසුගිය වසරේ මැයි 23 වන දින අත්අඩංගුවට ගෙන රක්ෂිත බන්ධනාගාර ගත කල අතර එදින සිට මේ දක්වාම ඔහු රිමාන්ඩ් බාරයේ සිටියේය.

Facebook Comments

wedding people