වාර්තා පොත් අලුත් කරමින් ශ්‍රී ලංකා ජය ගනී

0
688

අයි සී සී ශූරයන්ගේ කුසලාන ක‍්‍රිකට් තරගාවලියේ ඉන්දියාවට එරෙහිව ඊයේ වාර්තා කළ ජයග‍්‍රහණයත් සමග සිය වාර්තාවක් සම කිරීමට ශ‍්‍රී ලංකා කණ්ඩායම සමත් විය.

එක්දින තරගයකදී ලකුණු හඹා ගොස් ශ‍්‍රී ලංකාව අත්කරගෙන තිබූ ඉහළම ජයග‍්‍රහණය වූයේ එංගලන්තයට එරෙහිව ලකුණු 322ක ඉලක්කයක් ජය ගැනීම වන අතර ඒ 2006 වසරේදීයි.

ඊයේ පැවති තරගයේදී මෙම වාර්තාව යළි සම කිරීමට ශ‍්‍රී ලංකා කණ්ඩායම සමත් වී ඇත.

තරගයේදී ඉන්දීය කණ්ඩායම පන්දුවාර 50 තුළ කඩුලූ 06ක් දැවී ලකුණු 321ක් රැස් කල අතර ලකුණු 322ක ඉලක්කයක් හඹා ගිය ශ‍්‍රී ලංකා කණ්ඩායම තරගයේ ජය වාර්තා කළේ 49 වන පන්දු වාරයේ 04වන පන්දුවේදීයි.

කුසල් මෙන්ඩිස් පන්දු 93කදී ලකුණු 89ක් ද දනුෂ්ක ගුණතිලක ලකුණු 76ක් රැස් කළ අතර ඇන්ජලෝ මැතිව්ස් ලකුණු 52ක් රැස් කිරීමට සමත් විය.

කුසල් මෙන්ඩිස් තරගයේ වීරයා ලෙස සම්මානය හිමි කර ගත්තේය.

Facebook Comments

wedding people