වෙනිසියුලාවේ බන්ධනාගාර රැඳවුවන් 37 දෙනෙකු මරා දමයි

0

දකුණු දිග වෙනිසියුලාවේ බන්ධනාගාරයක පැවති කැරැල්ලක් මැඩපැවැත්වීමට යාමේදී සිදුවූ වෙඩි තැබීම් වලින් බන්ධනාගාර රැඳවූවන් 37 දෙනෙකු ජීවිතක්ෂයට පත්ව තිබේ.

ඇමසෝනාස් ප්‍රාන්තයේ පිහිටි පෝර්ටෝ අයකුචෝ බන්ධනාගාරයේ ඇති වූ කැරැල්ල මැඬ පැවැත්වීම සඳහා වෙනිසියුලාවේ අභ්‍යන්තර අමාත්‍යාංශ විශේෂ බළකා සෙබළු යොදාගෙන තිබූ බව විදෙස් මාධ්‍ය වාර්තා කරයි.

ඇසින් දුටු සාක්ෂිකරුවන් පවසා සිටියේ පැය කිහිපයක් පැවති අඛණ්ඩ වෙඩි හඩක් බන්ධනාගාරය තුළින් ඇසුණු බවයි.

මේ අතර, ඇමසෝනාස් ප්‍රාන්ත ආණ්ඩුකාරවරයා පවසා සිටියේ බන්ධනාගාරය තුළ මහා මනුෂ්‍ය සංහාරයක් සිදුව ඇති බවයි.

මෙම මෙහෙයුම අතරතුර ආරක්ෂක අංශ නිලධාරීන් 14 දෙනෙකුද තුවාල ලබා ඇති බව අභිචෝදකයන් සඳහන් කර සිටී.

සිද්ධියෙන් මියගිය සියලු දෙනා බන්ධනාගාර රැඳවූවන් බව සහ මෙම කැරැල්ල සිදුවන අවස්ථාවේදී මෙම බන්ධනාගාරය තුළ රැඳවූවන් 105ක් පමණ සිටි බව බන්ධනාගාර නිරීක්ෂණ කණ්ඩායම් පවසයි.

වෙනිසියුලාවේ ඇති බොහෝ බන්ධනාගාර තුළ නිලධාරීන් ඉතා සුළු ප්‍රමාණයක් සිටීම නිසා එම බන්ධනාගාර පාලනයේදී හා ඒවායේ ආධිපත්‍ය පැතිරීමේදී රැඳවූවන් කල්ලි ගැසී සිටීමක් දක්නට ලැබෙන බවයි විදෙස් වාර්තා පෙන්වා දෙන්නේ.

Facebook Comments

wedding people