ආර්ථිකය හරියාකාරව හසුරවා ගැනීමට නොහැකි ආණ්ඩුව දමා පැන ගියවුන් නැවත බලය ඉල්ලා සිටින්නේ කුමන සැලසුමකින්ද යන්න පාර්ලිමේන්තු සභානායක රාජ්‍ය ව්‍යවසාය හා මහනුවර නගර සංවර්ධන අමාත්‍යවරයා ප්‍රශ්න කරයි.
මැතිවරණයට වසර දෙකක් තියෙද්දි පහුගිය ආණ්ඩුව අතහැරලා ගියේ කරන්න බැරි නිසා. ආර්ථීකය නිවැරදිව මෙහෙයවාගන්න බැරි වුන නිසා. 2015 අපේ රට තිබුණේ ජාත්‍යන්තර ආර්ථීක සම්බාධක අබියස. එ් අයම දැන් බලය ඉල්ලලා උද්ඝෝෂණය කරනවා. නමුත් ආණ්ඩුව පෙරලන්න ආව අය අන්තිමේ වෙරි වෙලා බිම පෙරළි පෙරළි හිටියා. මොකක්ද මේ අයගේ රට හදන සැලැස්ම? යැයි අධිනීතිඥ ලක්ෂ්මන් කිරිඇල්ල කියා සිටියේය.
පැහැරගැනීම් නැහැ. අතුරුදහන් කිරීම්, මාධ්‍යවේදීන් ඝාතන, විනිසුරුවරුන් බලෙන් ධුරවලින් පහ කිරිම් අද සිදු නොවන බව කී ඇමැතිවරයා යහපාලන රජය ශීලාචාර ආණ්ඩුවක් බවයි පෙන්වා දෙන්නේ.
අධිකරණය, පොලිසිය වැනි ආයතන ස්වාධීනව ක්‍රියාත්මක වන බැවින් ජනාධිපතිවරයාගේ නි‍ර්දේශයක් පවා බාර නොගෙන සිටිමේ හැකියාව ඇති බවට ශ්‍රී ලංකා මර්චන්ට් බැංකුවේ නවීකරණය කර නව පරිශ්‍රයක ස්ථාපනය කල මහරගම ශාඛාව විවෘත කිරීමේ උත්සවයට එක් වෙමින් ලක්ෂ්මන් කිරිඇල්ල ඇමැතිවරයා කියා සිටියේය.
එක්සත් ජාතීන් පවා ශ්‍රී ලංකාව ආදර්ශයට ගෙන ඇති බැවින් මානවි හිමිකම් සමු‍ළුවේදී මෙරට වෙනුවෙන් දින 2 වෙන් කල කාලය පැය දෙකකට සීමා කිරීමට හැකි වු බව පාර්ලිමේන්තු සභානායක රාජ්‍ය ව්‍යවසාය හා මහනුවර නගර සංවර්ධන අමාත්‍ය ලක්ෂ්මන් කිරිඇල්ල වැඩි දුරටත් පැවසීය.
Facebook Comments
