ජාතික ආහාර සුරක්ෂිතතා සතිය අද (22) සිට ආරම්භ වන අතර එම සතිය ලබන 29 දින දක්වා එය ක‍්‍රියාත්මක කිරීමට සෞඛ්‍ය, පෝෂණ හා දේශීය වෛද්‍ය අමාත්‍යාංශය කටයුතු යොදා ඇත.
සිඝ‍්‍රයෙන් ඉහළ යන බෝනොවන රෝග මර්දනය කිරීමේ අරමුණින් මෙම ආහාර සුරක්ෂිතතා සතිය ක‍්‍රියාත්මක බව එම අමාතයංශය පවසයි.
ආහාර පාන සකස් කරන හෝටල්, බේකරි, රෙස්ටුරන්ට් සහ දුර ගමන් බස් රථ නැතුම් ස්ථානවල පිහිටි ආපනශාලා මෙයට සමගාමීව පරීක්ෂා කිරීමට කටයුතු යොදා ඇත.
පාරිභෝගික කටයුතු අධිකාරිය සමඟ මෙම පරීක්ෂා කිරීම සිදු කරන බව සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය පාලිත මහීපාල පවසනවා.
පැණි බීම සඳහා වූ වර්ණ සංකේත යෙදීමේ නිතිය ද ක‍්‍රියාත්මක කිරීම පිළිබඳව මෙහිදී අවධානය යොමු කරන අතර, එම නීතිය කඩ කරන වෙළෙදුන්ට සහ නිෂ්පාදකයින්ට එරෙහිව දැඩි නීතිමය පියවර ගන්නා බවද වෛද්‍ය මහීපාල පවසයි.
Facebook Comments
