අද දින මුලතිව් පැවැත්වීමට නියමිතව තිබු මුල්යාවලෛ විද්‍යානන්ද විදුහලේ විද්‍යාගාර ගොඩනැගිල්ල විවෘත කිරීම හා යුද්ධය හේතුකොටගෙන අවතැන් වී සිට ජනතවට ඉඩම් ඔප්පු ප්‍රධානය කිරීමේ උත්සවයට සහභාගී වීමට යමින් සිටි ජනාධිපති මෛත්‍රිපාල සිරිසේන ගුවනින්ම ආපසු හැරී තම කාර්යාලයට පැමිණ ඇති බව වාර්තා වේ.
මිට හේතුව ලෙස 25 බදාදා ජනාධිපති කාර්යාලයෙන් පණිවුඩයක් නිකුත් කරමින් පවසා සිටියේ අහයහපත් කාලගුණය ඊට හේතුව බවයි.
උදෑසන 8.30 ට පමණ ජනාධිපතිතුමා කොළඹින් කුරුණෑගල හරහා මුලතිව් බලා පිටත් වුනද, මේ දිනවල පවතින අධික වැසි සහිත කාලගුණය හේතුවෙන් එතුමාගේ හෙලිකොප්ටරය ගමන් කිරීමට පැහැදිලි අහසක් නොතිබුන බැවින් කුරුණගලින් හැරුණු හෙලිකොප්ටරය නැවත ඇම්බිලිපිටිය හරහා මුලතිව් බලා පිටත් වීමට සැරසුනද එම ප්‍රදේශයේ ද අධික වැසි සහිත කාලගුණයක් තිබුණු බැවින් ගමන් කිරීමට නොහැකි බව ගුවන් නියමුවන් පවසා ඇත්තේ එම ප්‍රදේශය හරහාද ගමන් කිරීම අපහසු බවයි.
පසුව හෙලිකොප්ටරය ඇඹිලිපිටියෙන් හරවා නැවත කොළඹට පැමිණි බව ජනාධිපති කාර්යාලයෙන් නිකුත් කළ පණිවිඩයේ වැඩි දුරටත් සදහන්ය.
Facebook Comments
