පසුගිය කාලය පුරාවට ශ්‍රී ලංකාව තුල නිර්මාණය වු ආණ්ඩුක්‍රම ව්‍යවස්ථාවන් ජනතාවගේ සුබසෙත පතා නිර්මාණය නොවු නිසාවෙන් යෝජිත නව ආණ්ඩුව ව්‍යවස්ථාව ජනතාවගේ ව්‍යවස්ථාවක් විය යුතු බවට විශ්ව විද්‍යාල සිසු නායකයෙකු අවධාරණය කරයි.
දැනට පවතින ව්‍යවස්ථාව හෝ නව ව්‍යවස්ථාව හරහා විය යුත්තේ මින්ස්සුන්ගේ ඇත්ත අවශ්‍යතා ඉටු වීම බව අන්තර් විශ්ව විද්‍යාල ශිෂ්‍ය බල මණ්ඩලයේ කැඳවුම්කාර ළහිරු වීරසේකර සිලෝන් ජර්නල්ස් හා කියා සිටියේය.
“පසුගිය කාලයක් තිස්සේ මේ රටේ පාලකයෝ අවස්ථා කිහිපයකදී ව්‍යවස්ථා සංශෝධන ගෙනවා ජේ.ආර්. ජයවර්ධන අලුත් ව්‍යවස්තාවක් ගෙනාවා මේ ආණ්ඩුවත් දැන් ව්‍යවස්ථාවක් පිළිබඳ සාකච්ඡාවක් හදල තියෙනවා සමාජයට හැබැයි අපි කියනවා මේ පාලකයන්ගෙත් නිශ්චාත ප්‍රතිපත්තිය මේ ධනවාදය ශක්තිමත් කරන එක” යැයි අන්තරේ නායකයා සඳහන් කළේය.
නව ව්‍යවස්ථාවක් පිළිබඳව සාකච්ඡාවේදී එය මිනිසුන්ගේ අයිතිවාසිකම් කොතරම් දුරට ආරක්ෂා කරනවාද යන්න පමණක් වැදගත් බව අන්තර් විශ්ව විද්‍යාල ශිෂ්‍ය බල මණ්ඩලයේ කැඳවුම්කාර ළහිරු වීරසේකර කියා සිටියේ යෝජිත නව ව්‍යවස්ථාව සම්බන්ධව සිලෝන් ජර්නල්ස් හා සාකච්ඡාවකට එක්වෙමිනි.
Facebook Comments
