“තවමත් අපිට ආණ්ඩුවේ නිසි තැනක් නැහැ” – හෙක්ටර් අප්පුහාමී

0

වත්මන් ආණ්ඩුවේ පසුපෙළ මන්ත්‍රීවරුන් හට මෙතෙක් නිසි තැනක් නොලැබීම පිළිබඳව පුත්තලම් දිස්ත්‍රික් එක්සත් ජාතික පක්ෂ මන්ත්‍රීවරයෙකු සිය කණස්සල්ල පළ කර තිබේ.

අමාත්‍යාංශවල , රාජ්‍ය දෙපාර්තමේන්තුවල සහ රාජ්‍ය සංස්ථාවල යම් වගකීමක් ආණ්ඩු පාර්ශ්වයේ සිටින පසුපෙළ මන්ත්‍රීවරුන්ට ලබා දෙන්නැයි අගමැතිවරයා ඇතුළු ඉහළ නායකයින්ගෙන් ඉල්ලා සිටිය ද මෙතෙක් ඊට යහපත් ප්‍රතිචාරයක් නොලැබුණ බවයි පුත්තලම් දිස්ත්‍රික් සංවර්ධන කමිටු සභාපති හෙක්ටර් අප්පුහාමී මන්ත්‍රීවරයා පෙන්වා දෙන්නේ.

මඟුල් ගෙවල් වල යාම, මළ ගෙවල් වල යාම හා පන්සල් වලට යාම පමණක් පසුපෙළ මන්ත්‍රීවරුන්ගේ රාජකාරීය වී ඇති බව මන්ත්‍රීවරයා කියා සිටියේ 25 සිකුරාදා බත්තරමුල්ල සුහුරුපායේ පැවැති සම්මන්ත්‍රණයකින් පසුව මාධ්‍යවේදීන් නැගූ ප්‍රශ්නයකට පිළිතුරු ලබා දෙමිනි.

දේශපාලනඥයාට වඩා රාජ්‍ය නිලධාරීන් වැජබීමට යාම රටේ පරිහානියට ප්‍රධානතම හේතුව වී ඇති බව ද එක්සත් ජාතික පක්ෂ පාර්ලිමේන්තු මන්ත්‍රී හෙක්ටර් අප්පුහාමී වැඩි දුරටත් සඳහන් කළේය.

Facebook Comments

wedding people