බලය ආරක්ෂා කර ගැනීමට මාධ්‍යවේදීන් ඇතුලුව මිනිස් ඝාතන සිදු කල තැනැත්තෙක් ඉදිරි ජනාධිපතිවරණ අපේක්ෂකයා ලෙස ඉදිරිපත් කිරිම නුසුදුසු බව මහින්ද පාර්ශවයේ පාර්ලිමේන්තු මන්ත්‍රීවරයෙකු ප්‍රකාශ කර තිබේ.
රටේ නායකත්වයට අවශ්‍ය වන්නේ සියලු ජාතීන් සමඟ සමිගියෙන් ජීවත් විය හැකි ප්‍රජාතන්ත්‍රවාදී පුද්ගලයෙකු බවයි පාර්ලිමේන්තු මන්ත්‍රී කුමාර වෙල්ගම පෙන්වා දෙන්නේ.
“මේ රටේ ප්රජාතන්ත්රවාදය ආරක්ෂ කරන්න ඕනේ. රටට ඇත්ත කියනකොට තමන්ගේ බලය ආරක්ෂා කරගෙන ඉන්න බැහැ. ඒ නිසා මාධ්‍යවේදීන්ව නැති කළා. අපිට නම් වශයෙන් කියන්න පුලුවන් ඒත් මම දැන් කියන්නේ නැහැ. එහෙම මානසිකත්වයක් තියෙන අය හා එහෙම වැඩ කරපු අය ජනාධිපති මැතිවරණයට ගෙන යා යුතු නැහැ.” යි මන්ත්‍රීවරයා පැවසීය.
ජනාධිපතිවරණයේදී අපේක්ෂකයා විය යුත්තේ ප්රජාතන්ත්රවාදය ගරු කරන මිනී නොමරන සුළු ජාතීන්ගේ ඡන්ද ගතහැකි පුද්ගලයෙකු බව පාර්ලිමේන්තු කොළඹ පැවති උත්සවයකින් අනතුරුව මාධ්‍ය වෙත කියා සිටියේය.
ශ්‍රී ලංකා නිදහස් පක්ෂය ඉදිරියට ගෙන යාමට වත්මන් නායක ජනපති මෛත්‍රීපාල සිරිසෙන් අසමත් වී ඇති බව පෙන්වා දුන් කුමාර වෙල්ගම මන්ත්‍රීවරයා එබැවින් පක්ෂය නව නායකත්වයක් අවශ්‍ය බවයි වැඩි දුරටත් සඳහන් කළේ.
Facebook Comments
