යෝජිත නව ව්‍යවස්ථාව මේ වසර තුල ගෙන ඒමට නොහැකි වනු ඇති බවට එක්සත් ජාතික පෙරමුණ නියෝජන කරන මුස්ලිම් ඇමැතිවරයෙකු සැක පළ කර තිබේ.
ඇතැමුන් නව ව්‍යවස්ථාව සම්මත වු ආකාරයට කටයුතු කරන බවත් එය සම්පුර්ණ වැරදි ක්‍රියාවක් බවයි සමස්ත ලංකා මහජන කොංග්‍රසයේ නායක අමාත්‍ය රිෂාඩ් බදියුදීන් පෙන්වා දෙන්නේ.
නව ව්‍යවස්ථාවට ඉදිරිපත් කොට ඇති ඇතම් කරුණු සම්බන්ධයෙන් තම පක්ෂයද එකඟ නොවන වව්නියාව නගර සභා සංස්කෘතික ශාලාවේ පැවති උත්සව අවස්ථාවකට සහභාගීවීමෙන් පසු මාධ්‍යට අදහස් දක්වමින් ඇමැතිවරයා කියා සිටියේය.
“නව ව්‍යවස්ථාව සම්බන්ධයෙන් සමස්ත ලංකා මහජන කොන්ග්‍රසය වශයෙන් අපේ පක්ෂයේ ඉල්ලීම් මොනවද කියලා අපි දීලා තියෙනවා. ඒ වගේම අනෙකුත් පක්ෂත් ඒ විදිහට ඉල්ලීම් දීල තියෙනවා නමුත් නව ව්‍යවස්ථාවට ඇතුළත් වී ඇති සියලුම කරුණු වලට අපි එකඟ නැහැ.” යි ඇමැතිවරයා ප්‍රකාශ කළේය.
ව්‍යවස්තා කෙටුම්පත පාර්ලිමේන්තුව තුල සම්මත කර ගැනීමට අඩුම වශයෙන් මන්ත්‍රීවරුන් 150 දෙනෙකුගේ සහාය අවශ්‍ය බවත් “එක්සත් ජාතික පෙරමුණේ ඉන්න එක පක්ෂයක් විදිහට අපිත් නව ව්‍යවස්ථාවේ ඇතම් කරුණුවලට එකඟ නැත්තම් කොහොමද මන්ත්‍රීවරුන් 150කගේ සහයෝගය ගන්න පුලුවන් වෙන්නේ.” යැයි රිෂාඩ් බදියුදීන් ඇමැතිවරයා වැඩි දුරටත් ප්‍රශ්න කරයි.
Facebook Comments
